वर्ष 2023 सुरू झाले की नाही पहिल्याच महिन्यात पुरुष हॉकी संघांचा विश्वचषक येऊन ठेपला आहे. ही स्पर्धा 13 ते 29 जानेवारी, 2023 दरम्यान खेळली जाणार आहे. या स्पर्धेचे यजमानपद भारताला मिळाले आहे. या स्पर्धेचे सामने भुवनेश्वर (Bhubaneshwar)आणि राउरकेला (Rourkela)येथे आयोजित केले आहेत. हरमनप्रीत सिंग याच्या नेतृत्वाखालील भारत डी गटात आहे. या गटात इंग्लंड, स्पेन आणि वेल्स या संघांचाही समावेश आहे.
या स्पर्धेत 16 संघांनी भाग घेतला आहे. त्यामधील अर्जेंटिना, ऑस्ट्रेलिया, फ्रान्स आणि दक्षिण आफ्रिका गट ए मध्ये आहे. बी गटामध्ये बेल्जियम, जर्मनी, जपान आणि कोरिया आहे. तर गट सी मध्ये चिली, मलेशिया, नेदरलॅंड्स आणि न्यूझीलंड आहे. या स्पर्धेत भारताचा पहिला सामना 13 जानेवारीला स्पेन विरुद्ध असून तो राउरकेला येथे खेळला जाणार आहे. त्यानंतर दुसरा सामना 15 जानेवारीला इंग्लंड विरुद्ध आणि तिसरा सामना 19 जानेवारीला वेल्स विरुद्ध आहे. हे तिन्ही सामने भारताच्या प्रमाण वेळेनुसार संध्याकाळी 7 वाजता खेळले जाणार आहेत.
या स्पर्धेतील पहिला सामना अर्जेंटिना विरुद्ध दक्षिण आफ्रिका यांच्यात खेळला जाणार आहे. हा सामना भारताच्या प्रमाण वेळेनुसार दुपारी एक वाजता खेळला जाणार आहे. क्रॉसओव्हरचे चार सामने 22 आणि 23 जानेवारी भुवनेश्वर येथे खेळले जाणार आहेत. त्यानंतर उपांत्यपूर्व फेरीचे सामने रंगणार आहेत. हे सामने 24 आणि 25 जानेवारीला भुवनेश्वरलाच खेळले जाणार आहेत. 27 जानेवारीला उपांत्य फेरीचे सामने आणि 29 जानेवारीला अंतिम सामना खेळला जाणार आहे. हे सर्व सामने भुवनेश्वरला होणार आहेत.
2018ला झालेला विश्वचषकही भारताच खेळला गेला होता. तेव्हा बेल्जियमने पहिल्यांदा विजेतेपद पटकावण्याची कामगिरी केली होती. भारताने 1975 मध्ये विश्वचषक जिंकला आहे. त्यानंतर भारताला विजेतेपद जिंकण्यात अपयश आले.
टीम इंडियाचे वेळापत्रक-
भारत विरुद्ध स्पेन – 13 जानेवारी, राउरकेला (संध्याकाळी 7)
भारत विरुद्ध इंग्लंड – 15 जानेवारी, राउरकेला (संध्याकाळी 7)
भारत विरुद्ध वेल्स – 19 जानेवारी, भुवनेश्वर (संध्याकाळी 7)
विश्वचषकासाठी भारताचा संघ- जर्मनप्रीत सिंग, अभिषेक, सुरेंदर कुमार, मनप्रीत सिंग, हार्दिक सिंग, मनदीप सिंग, बहादूर पाठक क्रिष्णन, हरमनप्रीत सिंग, ललित कुमार उपाध्यय, संजीप निलम झेस, पीआर श्रीजेश, निलकंठा शर्मा, शमशेर सिंग, वरुण कुमार, पाल राज कुमार, अक्षदीप सिंग, अमित रोहिदास, जुगराज सिंग, पीव्ही प्रसाद, सुखजीत सिंग. (मुख्य प्रशिक्षक – ग्रॅहम रीड)
(Hockey World Cup 2023- India Matches and squad)
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
बीसीसीआयच्या निर्णयावर आयपीएल फ्रॅंचायजींचे प्रत्युत्तर! म्हणाले, ‘ते असे नाही म्हणू…’
श्रीलंकेकडून भारत 7 वर्षापूर्वी घरात टी20 मालिका हरलेला, जाणून घ्या हेड टू हेड रेकॉर्ड्स