भारतीय क्रिकेट संघ सध्या झिम्बाब्वेच्या (ZIMvsIND)दौऱ्यावर आहे. या दौऱ्यातील तिसऱ्या आणि शेवटच्या वनडे सामन्यात भारताने मोठी धावसंख्या उभारली आहेत. यावेळी उजव्या हाताचा युवा फलंदाज शुबमन गिल हा भलताच लयीत दिसत आहे. त्याने वेस्ट इंडिज विरुद्धच्या वनडे मालिकेत सर्वाधिक धावा करत मालिकावीराचा पुरस्कार जिंकला होता. आता तो झिम्बाब्वे दौऱ्यातही हा पुरस्कार जिंकण्यापासून काही क्षणच दूर आहे. त्याने सोमवारी (२२ ऑगस्ट) तिसऱ्या वनडेत कारकिर्दीतील पहिले शतक केले आहे. याबरोबरच त्याने एका मोठ्या आणि महत्वाच्या विक्रमाला गवसणी घातली आहे.
शुबमन गिल (Shubman Gill) याने भारताकडून खेळताना नवव्या डावात आंतरराष्ट्रीय स्तरावरील वनडे शतक केले आहे. याबरोबरच तो वनडेच्या ९ डावांमध्ये सर्वाधिक धावा करणारा फलंदाज ठरला आहे. हा विक्रम करताच त्याने श्रेयस अय्यर याला मागे टाकले आहे. गिलने वनडेमध्ये पदार्पण केल्यापासून ९ डावांमध्ये ७१.२९च्या सरासरीने ४९९ धावा केल्या आहेत. आधी हा विक्रम श्रेयसच्या नावावर होता, त्याने वनडेच्या पहिल्या ९ डावांमध्ये ४६९ धावा केल्या होत्या. श्रेयसने नवजोत सिंग सिद्धू (४१७) आणि शिखर धवन (४०१) यांचा विक्रम मोडला होता.
आंतरराष्ट्रीय वनडेच्या पहिल्या ९ डावात सर्वाधिक धावा करणारे भारतीय खेळाडू
४९९ शुबमन गिल
४६९ श्रेयस अय्यर
४१७ नवजोत सिंग सिद्धू
४०१ शिखर धवन
महत्वाच्या बातम्या-
