टी20 विश्वचषक 2022 साठी स्टीव्ह स्मिथची योजना काय आहे? त्यानी याबाबत खुलासा केला आहे. टी20 विश्वचषक ऑस्ट्रेलियातच होणार आहे आणि फलंदाज स्टीव्ह स्मिथ म्हणतो की त्याला चषक डिफेंड करायचा आहे. ऑस्ट्रेलियाच्या स्टीव्ह स्मिथला विश्वास आहे की तो यंदाच्या आयसीसी पुरुषांच्या टी20 विश्वचषक हंगामात मोठी भूमिका बजावू शकतो. आपल्या यजमानपदावर तो स्पर्धेचा बचाव करू शकतो, असा विश्वासही त्याला आहे. गेल्या वर्षीच्या हंगामत स्टीव्ह स्मिथने चार डावात अवघ्या 69 धावा केल्या होत्या. अशा परिस्थितीत त्याला ऑस्ट्रेलियाच्या टी20 संघात बसवणे अवघड होते, पण व्यवस्थापन काय विचार करते, याकडे सर्वांचे लक्ष असेल.
ऑस्ट्रेलियाच्या दिग्गज खेळाडूचा असा विश्वास आहे की तो ऑस्ट्रेलियन संघांसाठी एक मौल्यवान खेळाडू ठरू शकतो, ज्याच्या चिंतेमुळे हा खेळ सर्वात लहान फॉरमॅटमध्ये स्वीकारला जात नाही. मंगळवारी पत्रकारांशी बोलताना स्मिथ म्हणाला की, “जेव्हा मी चांगले टी20 क्रिकेट खेळत असतो तेव्हा मी नक्कीच त्या संघात असतो असे मला वाटते. मला वाटते की हीच भूमिका मला गेल्या अनेक वर्षांपासून देण्यात आली आहे. तो मिस्टर फिक्स-इटसारखा आहे. पण तो टॅग आता माझ्याकडून काढून टाकला गेला आहे (श्रीलंका दौऱ्यापासून).”
स्टीव्ह स्मिथ ग्लेन मॅक्सवेल आणि मिचेल मार्शसह कांगारू संघाची मधली फळी मजबूत करू शकतो. याबद्दल तो म्हणाला की, “मला वाटले की मी मैदानावर (श्रीलंकेत) नैसर्गिकरीत्या खूप मोकळेपणाने खेळू शकतो आणि माझ्या मनात कोणताही संकोच नाही. मी फक्त सामना पुढे घेून जाऊ शकतो आणि जर मला एखाद्याला फटकावायचा असेल तर. पहिल्या चेंडूवर षटकार मोकळेपणाने मारू शकतो. जेव्हा मी माझा सर्वोत्तम खेळ करत असतो, तेव्हा मी मोकळेपणाने खेळतो. मी चेंडूकडे पाहतो आणि गॅपमध्ये मारण्याचा प्रयत्न करतो आणि मी माझ्या बॅटचा मध्यभागी वापरतो.”
दरम्यान, येत्या ऑक्टोबर महिन्यात ऑस्ट्रेलियामध्ये टी20 विश्वचषकाचे आयोजन करण्यात येणार आहे. गेल्या वर्षी ऑस्ट्रेलिया संघाने टी20 विश्वचषक विजयाचा मान मिळवला होता. त्यामुळे हा बहुमान अबाधित राखण्याची जबाबदारी यंदा ऑस्ट्रेलियन संघावर आहे.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या –
Asia Cup 2022: केएल राहुलसाठी शेवटची संधी? टीम इंंडियाचे समीकरण बिघडतयं
सेहवागने काढला बाप, अख्तरला चढला संताप! म्हणाला, ‘असं बोलला असता तर…’
