ऑक्टोबर-नोव्हेंबर महिन्यात भारतात होणाऱ्या वनडे विश्वचषकासाठी आता चाळीस दिवसांचा अवधी शिल्लक आहे. स्पर्धेतील सामन्याचे वेळापत्रक जाहीर झाल्यानंतर आता मुख्य स्पर्धेच्या आधी होणाऱ्या सराव सामन्यांचे वेळापत्रक देखील आयसीसीकडून घोषित केले गेले. त्यानुसार सर्व दहा संघ प्रत्येकी दोन सराव सामने मुख्य स्पर्धेआधी खेळतील. भारतीय संघ आपले सामने नेदरलँड्स व इंग्लंड यांच्याविरुद्ध खेळेल.
JUST IN: Warm-up fixtures of the ICC Men’s @cricketworldcup 2023 announced 👇#CWC23https://t.co/tSPnBMPMQq
— ICC (@ICC) August 23, 2023
भारतात 5 ऑक्टोबरपासून विश्वचषकाला सुरुवात होईल. तर स्पर्धेचा अंतिम सामना 19 नोव्हेंबर रोजी खेळला जाणार आहे. त्याआधी सराव सामन्यांचा थरार रंगणार आहे. मुख्य स्पर्धे आधी एकूण दहा सराव सामने होतील. हे सामने गुवाहाटी, तिरुअनंतपुरम व हैद्राबाद येथे खेळले जाणार आहेत.
29 सप्टेंबर रोजी तीन सराव सामने होतील. बांगलादेश व श्रीलंका यांच्या दरम्यान गुवाहाटी येथे, दक्षिण आफ्रिका व अफगाणिस्तान यांच्या दरम्यान तिरुअनंतपुरम येथे, तर पाकिस्तान व न्यूझीलंड यांच्या दरम्यान हैदराबाद येथे तिसरा सराव सामना होईल. भारत व इंग्लंड यांच्या दरम्यान 30 सप्टेंबर रोजी गुवाहाटी येथे सराव सामना होईल. याच दिवशी तिरुअनंतपुरम येथे ऑस्ट्रेलिया व नेदरलँड सामने-सामने येतील. इंग्लंड आणि बांगलादेश यांच्या दरम्यान 2 ऑक्टोबर रोजी गुवाहाटी येथे तर न्यझीलंड व दक्षिण आफ्रिका यांच्या दरम्यान याच दिवशी तिरुअनंतपुरम येथे सामना होणार आहे.
तर तीन ऑक्टोबर रोजी तिरुअनंतपुरम येथे भारत विरुद्ध नेदरलँड, अफगाणिस्तान विरुद्ध श्रीलंका व पाकिस्तान विरुद्ध ऑस्ट्रेलिया असे सामने होतील.
(ICC Announced Schedule Of 2023 ODI World Cup Practice Matches India Play Against England And Netherlands)
हेही वाचा-
आयर्लंड दौरा गाजवत असलेल्या बुमराह-प्रसिद्धविषयी भारतीय प्रशिक्षकाचे विधान; म्हणाला, ‘विश्वचषकापूर्वी…’
शंभर चेंडूंच्या लीगमध्ये फलंदाज बनला रिंकू सिंग; 5 चेंडूत ठोकले 5 जबरदस्त षटकार, पाहा व्हिडिओ
