आयसीसी टी20 विश्वचषकातील (ICC T20 World Cup) 13वा सामना आयर्लंड (Ireland) विरुद्ध कॅनडा (Canada) यांच्यामध्ये खेळला गेला. न्यूयाॅर्कच्या नासाउ काउंटी आंतरराष्ट्रीय क्रिकेट स्टेडियमवर हा सामना रंगला होता. या सामन्यात कॅनडानं दणदणीत विजय मिळवला. कॅनडानं या मैदानावर 138 धावांचा बचाव करत आयर्लंडला धूळ चारली. कॅनडानं 12 धावांनी आयर्लंडचा धुव्वा उडवला.
तत्पूर्वी या सामन्यात आयर्लंडनं टाॅस जिंकून कॅनडाला प्रथम फलंदाजीसाठी पाचारण केलं. त्याबदल्यात कॅनडानं 7 गडी गमावून 138 धावांच आव्हान आयर्लंडपुढे ठेवलं होतं. कॅनडाकडून निकोलस किर्टननं (Nicholas Kirton) 35 चेंडूत सर्वाधिक 49 धावा ठोकल्या. यादरम्यान त्यानं 3 चौकारांसह 2 षटकार ठोकले. तर यष्टीरक्षक श्रेयस मोव्वानं (Shreyas Movva) 36 चेंडूत 37 धावांचं योगदान दिलं. यामध्ये त्यानं 3 चौकार लगावले. आयर्लंडसाठी गोलंदाजी करताना क्रेग यंग आणि बॅरी मॅककार्थी 2-2 विकेट्स घेत संघाला मोलाचं योगदान दिलं.
आयर्लंडकडून 138 धावांचा पाठलाग करताना मार्क एडेरनं 24 चेंडूत सर्वाधिक 34 धावा ठोकल्या. यादरम्यान त्यान 3 चौकारांसह 1 षटकार ठोकला. तर जॉर्ज डॉकरेलनं 23 चेंडूत 30 धावांची खेळी खेळली. यामध्ये त्यानं 2 चौकांरांसह 1 उत्तुंग षटकार ठोकला. आयर्लंडचा अन्य कोणताही फलंदाज खेळपट्टीवर जास्त टिकू शकला नाही. जॉर्ज डॉकरेल आणि मार्क एडेरनं 138 धावांचा पाठलाग करताना 41 चेंडूत 62 धावांची भागिदारी रचली. परंतु संघाला सामना जिंकवून देऊ शकले नाहीत.
कॅनडाकडून जेरेमी गॉर्डन आणि डिलन हेलिगर यांनी उत्कृष्ट गोलंदाजीचं प्रदर्शन दाखवत 2-2 विकेट्स मिळवल्या. तर कर्णधार साद बिन जफर आणि जुनैद सिद्दीकी यांनी 1-1 विकेट्स घेत संघाच्या विजयात मोलाचं योगदान दिलं.
दोन्ही संघांच्या प्लेइंग 11
कॅनडा- आरोन जॉन्सन, नवनीत धालीवाल, परगट सिंग, निकोलस किर्टन, श्रेयस मोव्वा (यष्टीरक्षक), दिलप्रीत बाजवा, साद बिन जफर (कर्णधार), डिलन हेलिगर, कलीम सना, जुनैद सिद्दीकी, जेरेमी गॉर्डन
आयर्लंड- अँड्र्यू बालबर्नी, पॉल स्टर्लिंग (कर्णधार), लॉर्कन टकर (यष्टीरक्षक), हॅरी टेक्टर, कर्टिस कॅम्फर, जॉर्ज डॉकरेल, गॅरेथ डेलेनी, मार्क एडेर, बॅरी मॅककार्थी, जोशुआ लिटल, क्रेग यंग
महत्त्वाच्या बातम्या-
कॅनडानं आयर्लंडपुढे ठेवलं मात्र, 138 धावांचं आव्हान
आयर्लंडनं जिंकला टाॅस; प्रथम गोलंदाजीचा निर्णय, जाणून घ्या दोन्ही संघांच्या प्लेइंग 11
भारत-पाकिस्तान सामना, सुरक्षा यंत्रणाबाबत पोलिस आयुक्तांनी दिली मोठी अपडेट!
