पुन्हा एकदा तेच! एकाच दिवसात टीम इंडियाला पाहावा लागला एकाच संघाविरुद्ध विजय आणि पराभव

आज (26 जानेवारी) हॅग्ले ओव्हल (Hagley Oval), क्रिस्टचर्च (Christchurch ) येथे भारत ‘अ’ विरुद्ध न्यूझीलंड ‘अ’ (India ‘A’ vs New Zealand ‘A’) संघात तिसरा आणि अंतिम वनडे सामना पार पडला. या सामन्यात न्यूझीलंड 5 धावांनी विजयी (Won by 5 Wickets) झाला असून त्यांनी मालिकाही 2-1ने जिंकली.

वनडे मालिकेतील तिसरा सामना भारताने अगदी थोड्या फरकाने गमावला.

नाणेफेक जिंकून भारताने क्षेत्ररक्षणाचा निर्णय घेतला. प्रथम फलंदाजीला आलेल्या न्यूझीलंड संघाने 50 षटकांत 270 धावा केल्या. न्यूझीलंडकडून फलंदाजी करताना मार्क चॅपमनने 98 चेंडूत नाबाद सर्वाधिक 110 धावा केल्या. यामध्ये 1 षटकार आणि 10 चौकारांचा समावेश आहे. तसेच टॉड ऍस्टेल (56), टॉम ब्लंडेल (37) आणि ग्लेन फिलिप्सने (35) धावा केल्या. 

भारताकडून गोलंदाजी करताना ईशान पोरेलने (Ishan Porel) सर्वाधिक 3 विकेट्स घेतले. तर, राहुल चाहरने 2 विकेट्स घेतले. त्याचबरोबर, संदीप वॉरियर आणि अक्षर पटेल यांनी प्रत्येकी 1 विकेट्स घेतल्या.

त्यानंतर न्यूझीलंडच्या 270 धावांचा पाठलाग करताना भारताला 49.4 षटकांत सर्वबाद 265 धावाच करता आल्या. भारताकडून फलंदाजी करताना ईशान किशनने 84 चेंडूत नाबाद सर्वाधिक 71 धावा केल्या. यामध्ये 8 चौकारांचा समावेश आहे. तसेच पृथ्वी शॉ (55), ऋतुराज गायकवाड (44) कर्णधार मयंक अगरवाल(24) आणि अक्षर पटेल (32) यांनी संघर्ष केला. मात्र इतर फलंदाजांना चांगली कामगिरी करता आली नाही.

न्यूझीलंडकडून गोलंदाजी करताना काईल जेमीसनने सर्वाधिक 4 विकेट्स घेतल्या. तर, अजाझ पटेलने 3 विकेट घेतल्या. तसेच टॉड ऍस्टेलने 1 आणि रचिन रविंद्रने 2 विकेट्स घेतल्या. 

या वनडे मालिकेतील पहिला सामना भारताने जिंकला होता. तर दुसरा सामना न्यूझीलंडने जिंकला. तसेच आज तिसऱ्या सामन्यात भारताकडे मालिका जिंकण्यासाठी चांगली संधी होती. परंतु न्यूझीलंडच्या गोलंदाजीसमोर भारतीय संघाचा टीकाव लागला नसल्याने भारताला मालिकेत पराभवाला सामोरे जावे लागले.

सचिन, स्टीव्ह वॉने साजरा केला भारतातील सर्वात वयस्कर क्रिकेटरचा १००वा वाढदिवस; पहा व्हिडिओ…
वाचा- 👉https://t.co/7ZYcFcveWX👈#म #मराठी #Cricket @sachin_rt

— Maha Sports (@Maha_Sports) January 26, 2020

फलंदाजीत नाही तर क्षेत्ररक्षणात विराट कोहली, रोहित शर्माने केलाय मोठा पराक्रम
वाचा👉https://t.co/NghPOOh8vB👈#म #मराठी #Cricket #TeamIndia #INDvsNZ @imVkohli @ImRo45

— Maha Sports (@Maha_Sports) January 26, 2020