भारताचा अनुभवी फिरकीपटू हरभजन सिंग दुसऱ्यांदा वडील बनला आहे. त्याची पत्नी गीता बासरा हिने आज (१० जुलै) एका गोंडस मुलाला जन्म दिला आहे. हरभजनने स्वत: सोशल मीडियाद्वारे चाहत्यांना ही आनंदाची बातमी दिली आहे.
त्याने सांगितले की, ‘मी देवाचे आभार मानतो की, त्याने आम्हाला मुलाच्या रुपात आशिर्वाद दिला आहे. पत्नी गीता बासरा आणि नवजात बाळ दोघेही ठीक आहेत. सर्वांचे खूप खूप आभार.’
हे हरभजनचे दुसरे मुल असून त्याला ५ वर्षांची एक मुलगीही आहे. तिचे नाव हिनाया असे आहे. या जोडीने मार्च महिन्यातच त्यांना बाळ होणार असल्याची माहिती दिली होती.
https://www.instagram.com/p/CRI0wWNB6OW/?utm_source=ig_web_button_share_sheet
हरभजन आणि गीता हे दोघेही २०१५ साली विवाहबंधनात अडकले होते. त्यानंतर २०१६ मध्ये त्यांना कन्यारत्न प्राप्ती झाली होती. मार्च महिन्यात गीताने इंस्टाग्रामवर एक पोस्ट शेअर केली होती. ज्यामध्ये तिने नवीन पाहुणा येणार असल्याचे संकेत दिले होते. तिने हरभजन सिंग आणि हिनाया सोबत एक फोटो शेअर केला होता. ज्यामध्ये तिने लिहिले होते की, ‘लवकरच येणार, जुलै २०२१.’
https://www.instagram.com/p/CMZLFSwMXy7/?utm_source=ig_web_button_share_sheet
गीता बासरा ही एक सिने अभिनेत्री आणि मॉडेल आहे. तिने बॉलिवूड अभिनेता इमरान हाश्मीसोबत काम केले आहे. तिने आपल्या बॉलिवूड कारकिर्दीची सुरुवात इमरान हाश्मीसोबत ‘दिल दे दिया हैं’ या चित्रपटातून केली होती. त्यांनतर ती पुन्हा ‘द ट्रेन’ या चित्रपटात झळकली होती. तिचे इमरान हाश्मीसोबत असलेले ‘ओ अजनबी’ हे गीत खूप प्रसिद्ध झाले होते.
तर हरभजन सिंग याला २१ व्या शतकातील अव्वल फिरकीपटू म्हणून ओळखले जाते. त्याने भारतासाठी तिन्ही प्रकारच्या क्रिकेटमध्ये मिळून ६७८ बळी मिळवले आहेत. तो भारताने जिंकलेल्या २००७ टी२० विश्वचषक व २०११ साली जिंकलेल्या वनडे विश्वचषक संघाचा सदस्य होता. त्याने तीन वेळा मुंबई इंडियन्ससह तर एकदा चेन्नई सुपर किंग्सकडून आयपीएलचे जेतेपद देखील जिंकले आहे. त्याचाच नेतृत्वात मुंबई इंडियन्सने चॅम्पियन्स लीग जिंकण्याचा कारनामा केला होता.
महत्त्वाच्या बातम्या-
आनंदाची बातमी! दिग्गज फिरकीपटू हरभजन सिंग दुसऱ्यांदा बनला बाबा, झाली पुत्ररत्न प्राप्ती
‘अरे इतके तर मुलेसुद्धा डीपी बदलत नाहीत,’ सतत कर्णधार बदलल्याने जाफरने श्रीलंकाची केली थट्टा
अवघ्या काही दिवसांनी हुकली होती सचिनची गावसकरांसोबत खेळण्याची संधी
