महत्त्वाचा खेळाडू कोरोनाग्रस्त असूनही दक्षिण आफ्रिका संघाने भारताला पाजले पराभवाचे पाणी, खास विक्रमही मोडला

दक्षिण आफ्रिका संघ पाच सामन्यांची टी-२० मालिका खेळण्यासाठी सध्या भारत दौऱ्यावर आला आहे. मालिकेतील पहिला सामना दिल्लीच्या अरुण जेटली स्टेडियमवर खेळला गेला. उभय संघातील या पहिल्या सामन्यात दक्षिण आफ्रिका संघाने विजय मिळवला. दक्षिण आफ्रिका संघाचा एक महत्वाचा फलंदाज या सामन्यात अनुपस्थित असताना देखील त्यांच्या संघाने चांगले प्रदर्शन केले आणि ७ विकेट्स राखून विजय देखील मिळवला.

भारत आणि दक्षिण आफ्रिका संघातील पहिल्या टी-२० सामन्यात दिग्गज ऍडेन मार्करम (Adien Markram) सहभागी होऊ शकला नाही. मालिकेतील या पहिल्या सामन्याच्या नेमके आधी मार्करमचा कोरोना अहवाल पॉझिटिव्ह आला आणि त्याला संघात निवडले गेले नाही. दक्षिण आफ्रिका संघाचा कर्णधार टेंबा बावुमाने नाणेफेक जिंकल्यानंतर मार्करम कोरोना पॉजिटिव्ह आल्याची माहिती दिली. याच कराणास्तव मार्करन निवड प्रक्रियेसाठी उपलब्ध राहू शकला नाही, असेही त्याने सांगितले.

ऍडेन मार्करम दक्षिण आफ्रिकी संघासोबत २ जून रोजी भारतात दाखल झाला. त्यानंतर त्यांच्या संघातील खेळाडूंची पहिल्यांदा जेव्हा कोरोना चाचणी केली गेली, तेव्हा त्याचा अहवाल निगेटिव्ह आला होता. नाणेफेक जिंकल्यानंतर आफ्रिकी कर्णधार बावुमा म्हणाला की, “ऍडेन निवड प्रक्रियेसाठी उपलब्ध नव्हता, कारण तो कोविड १९ पॉजिटिव्ह आला आहे. त्यामुळेच स्टब्स (ट्रिस्टन स्टब्स) त्याच्या जागी फलंदाजीसाठी उतरेल.”