चेन्नईच्या ‘या’ धुरंदरने बाउंड्रीवर एक नव्हे तर झेलले २ अप्रतिम झेल, पहा व्हिडिओ

Updated On: सप्टेंबर 19, 2020 10:58 pm

---Advertisement---

आयपीएलच्या १३ व्या हंगामाला आजपासून (१९ सप्टेंबर) सुरुवात झाली आहे. या हंगामातील पहिला सामना मागील वर्षीचा विजेता संघ मुंबई इंडियन्स आणि उपविजेता चेन्नई सुपर किंग्ज संघात आबु धाबी येथील शेख झायेद स्टेडियमवर खेळला जात आहे. नाणेफेक जिंकून सीएसकेने क्षेत्ररक्षणाचा निर्णय घेतला होता. यादरम्यान सीएसकेच्या फाफ डू प्लेसिसने शानदार झेल घेतले आहेत.

प्रथम फलंदाजी करताना मुंबई इंडियन्स संघाने निर्धारित २० षटकांत ९ बाद १६२ धावा केल्या आहेत. मुंबईकडून सलामीवीर फलंदाज रोहित शर्मा आणि क्विंटन डी कॉकने डावाची सुरुवात केली. संघाने रोहित (१२) आणि डी कॉकच्या (३३) रूपात संघाने आपले २ विकेट्स ५० धावांच्या आत गमावले. सूर्यकुमार यादव हा तिसऱ्या विकेटच्या रूपात बाद झाला.

एका बाजूने मुंबईचा डाव पुढे नेणाऱ्या सौरभ तिवारीचा (४२) झेल रवींद्र जडेजाच्या गोलंदाजीवर आणि १४.१ व्या षटकात डू प्लेसिसने घेतला. त्याचसोबत जडेजाच्या षटकाच्या ५व्या चेंडूवर त्याने पुढे फलंदाजीस आलेल्या अष्टपैलू खेळाडू हार्दिक पंड्यालाही झेलबाद केले. डू प्लेसिसने घेतलेले हे दोन्ही झेल उल्लेखनीय होते. याव्यतिरिक्त त्याने जेम्स पॅटिन्सलाही झेलबाद केले आहे. अशाप्रकारे त्याने एकूण ३ झेल घेतले.

Honestly, not sure if this was the first laddoo or second laddoo…but laddoo laddoo dhaan! 🙈 #Fafulous'ly brought us back into the game! 😍🦁💛 #WhistleFromHome #WhistlePodu #Yellove #MIvCSK pic.twitter.com/z4SdH3Teqc

— Chennai Super Kings (@ChennaiIPL) September 19, 2020

सीएसकेकडून गोलंदाजी करताना लुंगी एन्गिडीने सर्वाधिक ३ विकेट्स घेतल्या. सोबतच दीपक चाहर आणि रवींद्र जडेजाने प्रत्येकी २ विकेट्स घेतल्या, तर पीयुष चावला आणि सॅम करनने प्रत्येकी १ विकेट घेतली.