भारतीय संघाचा सलामी फलंदाज पृथ्वी शॉ त्याच्या उत्कृष्ट फलंदाजीसाठीच नाही तर प्रेम प्रकरणासाठी देखील चर्चेत असतो. त्याची कथित प्रेयसी प्राची सिंग त्याच्यावर लहान लहान संधीवरून प्रेम व्यक्त करत असते. मंगळवारी (३० नोव्हेंबर) दिली कॅपिटल्सने त्याला अन्य ३ खेळाडूंसोबत रिटेन केल्यानंतर प्राची खूप खुश होती. तिने सोशल मीडियावर शॉचा फोटो शेअर करत त्याचे अभिनंदन केले आहे.
गेल्या ३ हंगामात आपल्या कामगिरीने प्रभावित केलेल्या दिल्ली कॅपिटल्स संघाने ४ खेळाडूंना कायम केले असून यामध्ये रिषभ पंत, अक्षर पटेल आणि पृथ्वी शॉ या भारतीय खेळाडूंचा समावेश आहे. तर एन्रीच नॉर्किए या दक्षिण आफ्रिकेच्या वेगवान गोलंदाजाला संघात कायम केले आहे. दिल्लीने पंतला १६ कोटींमध्ये, अक्षर पटेलला ९ कोटींमध्ये, पृथ्वी शॉला ७.५ कोटींमध्ये आणि एन्रीच नॉर्किएला ६.५ कोटींमध्ये संघात कायम केले आहे. त्यामुळे लिलावासाठी त्यांच्याकडे ४८ कोटी रुपये उरले आहेत.
शॉच्या यशाने प्राची खुश
पृथ्वी शॉला दिल्ली कॅपिटल्सने रिटेन केल्यानंतर त्याची प्रेयसी प्राची सिंगने त्याचे सोशल मीडियावर अभिनंदन केले. तिने तिच्या इंस्टाग्राम अकाउंटवर स्टोरी शेअर केली. यासोबतच एक व्हिडिओ देखील शेअर केला ज्यात, शॉ मजा घेताना दिसतो आहे. तिने याआधीही बऱ्याचदा शॉचे अभिनंदन केले आहे.
दोघांच्या प्रेमप्रकरणाची चर्चा
पृथ्वी शॉ आणि प्राची सिंग सतत एकमेकांना डेट करताना दिसून येत आहेत. तसं त्यांनी त्यांच्यातील नाते अधिकृतपणे जाहीर नाही केलं आहे. तरी त्यांच्या सोशल मीडिया पोस्टवरून चाहते त्यांच्या प्रेमाबद्दल अंदाज लावत असतात. प्राची सिंगचा जन्म २२ जुलै १९९५ ला मुंबईमध्ये झाला होता. प्राची दिसायला अतिशय सुंदर आहे आणि ती सोशल मीडियावर सतत सक्रिय असते.
टीव्ही शोमध्ये केलं आहे काम
पृथ्वी शॉची प्रेयसी मुंबई युनिव्हर्सिटीमधून शिकली आहे. प्राची सिंगने २०१९ मध्ये मनोरंजन क्षेत्रात पाऊल ठेवले होते. तिने कलर्स टीव्हीच्या उडान शोमध्ये भूमिका साकारली होती. ती अभिनेत्री तर आहेच, त्यासोबत एक उत्तम नृत्यांगना देखील आहे. ती आपल्या नृत्याचे व्हिडिओ शेअर करते, ज्याला तिचे चाहते भरभरून प्रेम देतात.
महत्त्वाच्या बातम्या-
मुंबईत चमकणार कोहलीचे नशीब! ७४२ दिवसांच्या शतकाच्या प्रतिक्षेवर लागणार पूर्णविराम, कारणही आहे तसंच
मुंबईचा अभिमान पोलार्ड तात्या! अवघ्या ६ कोटीत मान्य केले रिटेंशन
