बहुप्रतिक्षित इंडियन प्रीमिअर लीग 2023 स्पर्धेला सुरुवात होण्यास हाताच्या बोटावर मोजण्या इतके कमी दिवस उरले आहेत. या स्पर्धेची सुरुवात 31 मार्चपासून सुरू होत आहे. स्पर्धेचा पहिला सामना गुजरात टायटन्स विरुद्ध चेन्नई सुपर किंग्स संघात खेळला जाणार आहे. या स्पर्धेत भारतीय चाहते 1 वर्षानंतर एमएस धोनी याला मैदानात खेळताना पाहण्यासाठी खूपच उत्सुक झाले आहेत. इतकेच नाही, तर धोनी जिथेही दिसतो, तिथे चाहते त्याच्या नावाचा गजर करण्यास सुरुवात करतात. असे म्हटले जात आहे की, हा धोनीचा शेवटचा हंगाम असू शकतो. त्यामुळे धोनीला मैदानावर पाहण्यासाठी चाहेत वाट पाहत आहेत. अशात धोनीचा एक व्हिडिओ व्हायरल होत आहे.
मागील हंगामाला सुरुवात होण्याच्या एक दिवस आधीच एमएस धोनी (MS Dhoni) याने कर्णधारपद सोडले होते. त्यानंतर रवींद्र जडेजा (Ravindra Jadeja) याच्याकडे संघाचे नेतृत्व आले होते. मात्र, संघाने खूपच खराब कामगिरी केली. त्यानंतर कर्णधारपद पुन्हा धोनीच्या हातात आले होते. या हंगामातही धोनी कर्णधार म्हणूनच दिसणार आहे. धोनीला मैदानात पाहताच चाहते नेहमीच त्याच्या नावाचा गजर करतात. मात्र, आता एक व्हिडिओ व्हायरल होत आहे, त्यात चाहते धोनीला जिममध्ये वर्कआऊट करताना पाहून स्वत:ला रोखू शकले नाहीत. तसेच, त्यांनी त्याच्या नावाचा गजर सुरू केला.
Thala @msdhoni warming up in Gym and Crowd going crazy already 🔥 pic.twitter.com/ROTQ3PTJ2I
— 🎰 (@StanMSD) March 27, 2023
या व्हिडिओला तुफान प्रतिसाद मिळत आहे. हा व्हिडिओ आतापर्यंत 71 हजारांहून अधिक लोकांनी पाहिला आहे. तसेच, या व्हिडिओला 2 हजारांहून अधिक लाईक्सही मिळाले आहेत. चाहत्यांनीही कमेंट्सचा पाऊस पाडला आहे. एकाने लिहिले की, “ही जणू काही साऊथच्या अभिनेत्याची एन्ट्री वाटत आहे.” दुसऱ्या एकाने कमेंट करत लिहिले की, “इतर कोणताही क्रिकेटपटू भारतात धोनीची क्रेझ मॅच करू शकत नाही.”
उद्घाटनाचा सामना
एमएम धोनी याच्या नेतृत्वातील चेन्नई सुपर किंग्स (Chennai Super Kings) संघ आयपीएल 2023 स्पर्धेच्या उद्घाटनाचा सामना खेळेल. कर्णधार म्हणून धोनी या हंगामाची सुरुवात विजयाने करण्याचा प्रयत्न करेल. धोनीचा सीएसके (CSK) संघ हा आयपीएलचा दुसरा सर्वात यशस्वी संघ आहे. सीएसकेने आतापर्यंत 4 विजेतेपद आपल्या नावावर केले आहेत. याव्यतिरिक्त आयपीएलचा सर्वात यशस्वी संघ मुंबई इंडियन्स आहे. त्यांच्या नावावर 5 विजेतेपद आहेत. (ipl 2023 csk fans went crazy after with dhoni chants after seeing ms dhoni doing work out see video)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
बेपत्ता झालेल्या केदार जाधवच्या वडिलांबाबत मोठी बातमी, जाणून घ्याच
‘या खेळाडू देशासाठी…’, डब्ल्यूपीएल जिंकल्यानंतर हरमनप्रीत कौरने कुणाचे केले कौतुक