एकापेक्षा एक तगड्या खेळाडूंचा भरणा असलेल्या रॉयल चॅलेंजर्स बेंगलोर संघाने इंडियन प्रीमिअर लीग 2023 स्पर्धेतील पहिला सामना आपल्या नावे केला. बेंगलोरने मुंबई इंडियन्ससारख्या तगड्या संघाला 8 विकेट्सने पराभवाचं पाणी पाजलं. या विजयात सिंहाचा वाटा उचलण्याचे काम विराट कोहली आणि फाफ डू प्लेसिस यांनी केले. दोघांनीही 148 धावांची भागीदारी रचली. ही आयपीएल 2023मधील पहिल्या विकेटसाठीची सर्वात मोठी भागीदारी ठरली. विशेष म्हणजे, हे दोघे जेव्हा क्रीझवर होते, तेव्हा अनेक खास क्षण पाहायला मिळाले. त्यातीलच एक होता विराटच्या डान्सचा क्षण. यादरम्यानचा व्हिडिओ तुफान व्हायरल होत आहे.
विराट कोहलीने क्रीझवर केला डान्स
सध्या भारतीय संघाचा स्टार खेळाडू विराट कोहली (Virat Kohli) याच्यावर डान्सची भलतीच क्रेझ असल्याचे दिसत आहे. तो प्रत्येक सामन्यात शानदार कामगिरी करण्यासोबतच आपल्या कृतींनी प्रेक्षकांचे मनोरंजनही करण्यास विसरत नाही. अशात मुंबई इंडियन्सविरुद्धच्या स्पर्धेतील पाचव्या सामन्यात विराटने असेच काहीसे केले. आरसीबीच्या डावात विराट कोहली आणि फाफ डू प्लेसिस (Virat Kohli And Faf Du Plessis) फलंदाजी करत होते. यावेळी दोघांनीही गोलंदाजांची चांगलीच धुलाई केली.
आरसीबीच्या डावातील 8व्या षटकातील पाचव्या चेंडूवर फाफने कॅमरून ग्रीन याच्या चेंडूवर शानदार फटका मारला आणि चेंडू सीमारेषेच्या पलीकडे पाठवला. फाफचा शॉट पाहून विराटचा आनंद गगनात मानेवासा झाला. विराट खेळपट्टीवरच डान्स करू लागला. विराटाचे हे रूप पाहून चाहतेही भलतेच खुश झाले. तसेच, फाफच्याही चेहऱ्यावर हसू झळकले.
https://www.youtube.com/watch?v=GLhNq7BDvZs
सामन्याचा आढावा
सामन्याविषयी बोलायचं झालं, तर मुंबई इंडियन्स संघाने प्रथम फलंदाजी करताना 20 षटकात 7 विकेट्स गमावत 171 धावा केल्या होत्या. यामध्ये तिलक वर्मा याच्या 46 चेंडूत नाबाद 84 धावांचाही समावेश होता. मुंबईच्या या आव्हानाचा पाठलाग करताना बेंगलोरने 16.2 षटकात 2 विकेट्स गमावत 172 धावा केल्या आणि 8 विकेट्सने विजय मिळवला. या विजयात विराटने 49 चेंडूत नाबाद 82 धावांची खेळी साकारली, तर फाफने 43 चेंडूत 73 धावांचे योगदान दिले. (ipl 2023 virat kohli dances on pitch after watching faf du plessis shot on cameron green mi vs rcb see video)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
Video: तब्बल 55000 फॅन्समध्ये एकट्या चहलच्या पत्नीने लुटली वाहवा, टाळ्यांच्या कडकडाटासह केले चीअर
वय फक्त आकडा! 38वर्षांच्या वयातही फाफचा जबरदस्त फिटनेस, हवेत झेप घेत पकडला अविश्वसनीय कॅच; Video
