मुंबई । आयपीएलचा सर्वात यशस्वी संघ मुंबई इंडियन्स सध्या अबू धाबीमध्ये असून चौथ्यांदा जेतेपदाची तयारी करत आहे. या हंगामात मुंबईने अनेक खेळाडूंना संघात समाविष्ट केले आहे. या नावांमध्ये न्यूझीलंडचा वेगवान गोलंदाज ट्रेंट बोल्टचा देखील समावेश आहे. मुंबई इंडियन्सच्या इतिहासामध्ये लसिथ मलिंगापासून जसप्रीत बुमराहपर्यंत अनेक दिग्गज वेगवान गोलंदाज खेळले आहेत आणि आता या यादीमध्ये ट्रेंट बोल्टचेही नाव समाविष्ट झाले आहे.
सराव करताना स्टम्प तुटला
ट्रेंट बोल्ट गेल्या हंगामपर्यंत दिल्ली कॅपिटल्सकडून खेळत होता. गेल्या वर्षी झालेल्या आयपीएलच्या लिलावात दिल्लीने त्याचा मुंबईशी ‘ट्रेड’ केला होता. मुंबईतील प्रशिक्षण सत्रात आश्चर्यकारक कामगिरी करून बोल्टने उर्वरित संघासाठी तो मोठा धोका असल्याचे सिद्ध केले. संघाचे मुख्य प्रशिक्षक महेला जयवर्धने यांच्याबरोबर सराव करताना बोल्टने शानदार गोलंदाजी दाखविली. त्याच्या चेंडूने मधल्या स्टम्पचे दोन तुकडे केले. या शानदार चेंडूचा व्हिडिओ मुंबईने शेअर केला. व्हिडिओच्या कॅप्शनमध्ये त्याने लिहिले की, ‘क्लीन बोल्ट, ट्रेंट आला आहे.’
⚡ Clean Boult! ⚡
Trent has arrived ????#OneFamily #MumbaiIndians #MI #Dream11IPL @trent_boult pic.twitter.com/oUw8YzeNdq
— Mumbai Indians (@mipaltan) September 12, 2020
लसिथ मलिंगा या आयपीएलचा भाग होणार नाही
या हंगामात मुंबई इंडियन्समध्ये ट्रेंटला लसिथ मलिंगाची साथ मिळाली असती, पण हे शक्य झाले नाही. वास्तविक, मलिंगाने आयपीएलचा सध्याचा हंगाम वैयक्तिक कारणास्तव न खेळण्याचा निर्णय घेतला आहे. मात्र, बोल्टला नक्कीच मिशेल मॅकक्लेघन, जसप्रीत बुमराह या वेगवान गोलंदाजांचे सहकार्य मिळेल. मुंबईचा संघ केवळ 19 सप्टेंबरपासून आपली मोहीम सुरू करणार आहे. पहिल्या सामन्यात त्यांचा सामना एमएस धोनीच्या नेतृत्वात चेन्नई सुपर किंग्जशी होईल. मागील वर्षी सीएसकेला हरवून मुंबई चौथ्यांदा चॅम्पियन ठरला होता. मुंबईच्या संघाने 2013, 2015, 2017 आणि 2019 या काळात आयपीएलचे जेतेपद पटकावले.
