India vs England 2nd Test: भारत आणि इंग्लंड यांच्यातील कसोटी मालिकेतील दुसरा सामना एजबॅस्टनमध्ये खेळला जात आहे. कसोटीच्या तिसऱ्या दिवशी (4 जुलै) सुरुवातीच्या षटकांमध्ये भारतीय गोलंदाजांनी आपला जलवा दाखवला. मोहम्मद सिराजने जो रूट आणि बेन स्टोक्सला सलग दोन चेंडूंमध्ये पॅव्हेलियनचा रस्ता दाखवला. (Mohammed Siraj wickets) मात्र, दडपणाखाली असलेल्या इंग्लंडच्या यष्टीरक्षक फलंदाज जेमी स्मिथने कसोटीत टी20 शैलीत फलंदाजी केली. स्मिथने प्रसिद्ध कृष्णाच्या एका षटकात चौकार-षटकारांचा वर्षाव करत 23 धावा कुटल्या.
डावाचे 32 वे षटक टाकण्यासाठी आलेल्या प्रसिद्ध कृष्णाने पहिला चेंडू निर्धाव टाकला. मात्र, षटकाच्या दुसऱ्याच चेंडूवर स्मिथने जबरदस्त चौकार मारला. तिसरा चेंडू स्मिथने थेट सीमारेषेबाहेर प्रेक्षकांमध्ये पोहोचवला. पुढच्या चेंडूवर स्मिथने आणखी एक खणखणीत चौकार मारला. षटकाच्या पाचव्या आणि सहाव्या चेंडूचाही इंग्लिश यष्टीरक्षक फलंदाजाने असाच समाचार घेतला. कृष्णा या षटकात पूर्णपणे आपली लय गमावलेला दिसला, ज्याचा फायदा स्मिथने पूर्णपणे घेतला. स्मिथने या षटकात एकूण 23 धावा वसूल केल्या. (Jamie Smith vs Prasidh Krishna)
कसोटीच्या तिसऱ्या दिवसाचे पहिले सत्र टीम इंडियाच्या दृष्टीने खूप महत्त्वाचे मानले जात होते. जो रूट आणि हॅरी ब्रूकची जोडी दुसऱ्या दिवसाच्या शेवटच्या सत्रात चांगल्या लयीत दिसली होती. रूटला नेहमीच कसोटीत भारतीय संघासाठी मोठा धोका मानले जाते. मात्र, हा धोका दिवसाच्या दुसऱ्याच षटकात सिराजने टाळला. सिराजच्या हातातील चेंडू रूटच्या बॅटला लागून रिषभ पंतच्या हातात विसावला. रूटला नको असूनही केवळ 22 धावा करून तंबूत परतला. (Joe Root dismissal)
रूटला बाद केल्यानंतर लगेच पुढच्याच चेंडूवर सिराजने आपल्या वेगवान गोलंदाजीने इंग्लिश कर्णधार बेन स्टोक्सलाही गोंधळात पाडले. गरजेपेक्षा जास्त उसळी घेणारा चेंडू स्टोक्सला पूर्णपणे चकमा देऊन गेला आणि बाकीचे काम पंतने विकेटच्या मागे केले. स्टोक्स खाते न उघडता पॅव्हेलियनमध्ये परतला. (Ben Stokes golden duck)
इंग्लंड संघाची धावसंख्या लंच ब्रेकपर्यंत 249 धावात 5 विकेट अशी झाली आहे. संघासाठी जेमी स्मिथने शानदार फलंदाजी करत दमदार शतक झळकावले. दरम्यान हॅरी ब्रुकनेही शानदार अर्धशतक झळकावले आहे. दोन्ही फलंदाज अनुक्रमे 102 आणि 91 धावांवर क्रिजवर नाबाद आहेत. (Harry Brook Jamie Smith Partnership)
4,6,4,4,4 BY JAMIE SMITH AGAINST PRASIDH IN THE SINGLE OVER…!!! pic.twitter.com/78Vx2e2gMx
— Johns. (@CricCrazyJohns) July 4, 2025
