भारतीय वेगवान गोलंदाज जसप्रीत बुमराहने त्याच्या उत्कृष्ट गोलंदाजीच्या जोरावर जगभरात त्याचे नाव केले आहे. तसेच त्याने आंतरराष्ट्रीय क्रिकेटमध्ये अनेक विक्रमही त्याच्या नावावर केले आहेत. फलंदाजी करणाऱ्या संघाला लक्ष्यापर्यंत पोहोचण्यापासून रोखायचे असो किंवा महत्वाच्या वेळी विकेट घ्यायची असो, बुमराहने भारतीय संघासाठी महत्वाची कामगिरी केली आहे. बुमराह जेव्हा क्रिकेटमध्ये पदार्पण केले होते, तेव्हा अनेकांना त्याच्या ऍक्शमुळे तो जास्त काळ आंतरराष्ट्रीय क्रिकेटमध्ये खेळू शकेल, याबाबत शंका होती. पण आज त्याची ही विशिष्ट ऍक्शनच त्याची ओळख बनला आहे आणि त्याच्या गोलंदाजीला अधिक घातक बनवत आहे.
अशातच सध्या सोशल मीडियावर बुमराहप्रमाणेच गोलंदाजी करणाऱ्या एका गोलंदाजाचा व्हिडिओ व्हायरल होत आहे. हा व्हिडिओ यूरोपियन क्रिकेट लीगमधील आहे. व्हिडिओतील गोलंदाज अगदी बुमराहप्रमाणेच ऍक्शन करताना दिसत आहे. त्याचा रनअप देखील अगदी बुमराहप्रमाणेच आहे. तसेच तो हातातील चेंडू सोडतानादेखील बुमराहसारखाच सोडत आहे. एकंदरीत या गोलंदाजाने बुमराहचे अनुकरण करण्याचा प्रयत्न केला आहे आणि तो यामध्ये यशस्वी झाल्यासारखा वाटत आहे. हा व्हिडिओ व्हायरल झाल्यानंतर बुमराहचे चाहते हैराण झाले आहेत आणि या व्हिडिओतील गोलंदाजाची चांगलीच चर्चा होत आहे.
व्हिडिओतील गोलंदाज जरी बुमराहप्रमाणे दिसत असला तरीही तो बुमराह नसून दुसरा कोणीतरी आहे. बुमराह सध्या आयपीएल २०२१ च्या दुसऱ्या टप्प्यासाठी यूएईत मुंबई इंडियन्ससाठी खेळत आहे. त्याने या हंगामात आतापर्यंत ११ सामने खेळले असून १६ विकेट्स मिळवले आहेत.
Bumrah lite pic.twitter.com/UAoRfGtoDq
— Hardeep Rawat (@Hardeep19Rawat) September 29, 2021
आयपीएलच्या इतिहासात पाच वेळा जेतेपद मिळवणाऱ्या मुंबई इंडियन्सला या हंगामात मात्र प्लेऑफमध्ये जाण्यासाठी संघर्ष करावा लागत आहे. मुंबईने या हंगामना आतापर्यंत खेळलेल्या ११ सामन्यांपैकी केवळ पाच सामने जिंकले आहेत आणि संघ सध्या पाचव्या स्थानावर आहे. प्लेऑफमध्ये स्थान मिळवण्यासाठी मुंबईला आता जवळपास राहिलेले सर्वच सामने जिंकावे लागणार आहेत. प्लेऑफमध्ये पोहोचण्यासाठी संघाला संघर्ष करावा लागणार आहे.
महत्त्वाच्या बातम्या-
‘टी२० विश्वचषकासाठी आम्ही आमचे सर्वस्व झोकून देऊ, यंदा चषक आपलाच’, रोहितचा चाहत्यांना शब्द
बेंगलोरने राजस्थानवर विजय मिळवत मुंबईची केली मदत, प्लेऑफची समीकरणे झाली रंजक; पाहा गुणतालिका
