जय बजरंग, ओम काल्हेर, जय शिव, बंड्या मारुती, शिवशंकर, सिंहगड पुणे, गोलफादेवी, जय श्रीराम पालघर, स्व.आकाश, छत्रपती डोंबिवली, श्री समर्थ, स्वस्तिक, मावळी मंडळ, हनुमान यांनी उजाला मंडळ आयोजित पुरुष राज्यस्तरीय कबड्डी स्पर्धेच्या बाद फेरीत प्रवेश केला आहे.
महाराष्ट्र राज्य व ठाणे जिल्हा कबड्डी असो.च्या मान्यतेने वळ-भिवंडी येतील स्व.भगवानशेठ व मधूकरशेठ क्रीडानगरी, तलाव गार्डन येथे काल पासून सुरू झालेल्या पुरुषांच्या साखळी सामन्यात श्री हनुमानने सत्यमचा मध्यांतरातील १०-१२ अशा पिछाडीवरून २९-२४असा पाडाव केला. या सलग दुसऱ्या पराभवाने सत्यमवर साखळीतच गारद होण्याची वेळ आली. गौरव भोसले, समीर मालुसरे यांना या विजयाचे श्रेय जाते. सत्यमचा राजेश साळुंखे पूर्वार्धात छान खेळला.
ब गटात ओम कबड्डीने बंड्या मारुतीला २४-२२असे नमविलें खरे, पण दुसऱ्या सामन्यात त्यांना जयंशिवकडून २४- २७असा पराभव पत्करावा लागला. यामुळे साखळीतच त्यांचे आव्हान संपुष्टात आले. या गटात उपविजेते ठरविण्यासाठी गुण सरासरीचा वापर करावा लागला.
क गटात शिव शंकरने एकताला ३१-२४असे नमवित या गटात प्रथम स्थान मिळविले. मध्यांतराला दोन्ही संघ ११-११असे बरोबरीत होते. गणेश व संदेश या जाधव बंधूंच्या चढाया, त्याला तुषार भोईरची मिळालेली पकडीची भक्कम साथ यामुळे हे शक्य झाले. एकताच्या हर्षल म्हात्रे, विपुल इताडकर यांचा खेळ विजयासाठी कमी पडला.
इ गटात स्व. आकाशने छत्रपतीला ३२-२१ असे नमवित या गटात प्रथम तर या पराभवामुळे छत्रपतीने दुसरे स्थान प्राप्त केले. जितेंश, राजेश, भगीरथ या पाटील बंधूंना या विजयाचे श्रेय जाते. छत्रपतींच्या अजिंक्य पाटील, जितेंश जोशी यांचे विज्यासाठीचे प्रयत्न तोकडे पडले.
महत्त्वाच्या बातम्या-
–प्रो कबड्डीसाठी युवा खेळाडूंची निवड चाचणी ५ फेब्रुवारी पासून
–भारतीय रेल्वे संघाने जिंकले ६६ व्या वरिष्ठ गट पुरुष राष्ट्रीय कबड्डी स्पर्धेचे विजेतेपद