दक्षिण आफ्रिकेचा वेगवान गोलंदाज कागिसो रबाडा (Kagiso Rabada) आयपीएल 2025 मध्येच सोडून आपल्या देशात परतण्यामागील खरे कारण अखेर उघड झाले आहे. रबाडा आयपीएलच्या चालू हंगामात गुजरात टायटन्स (GT) संघाचा भाग आहे. तो फक्त 2 सामने खेळल्यानंतर आपल्या देशात परतला. त्यानंतर असे सांगण्यात आले की, रबाडा वैयक्तिक कारणांमुळे आयपीएल मध्येच सोडून दक्षिण आफ्रिकेला परतला. पण यामागील सत्य आता समोर आले आहे. प्रत्यक्षात, रबाडा ड्रग टेस्टमध्ये अडकल्यामुळे दक्षिण आफ्रिकेला परतला आहे.
रबाडाने स्वतः हे उघड केले आहे. हैदराबाद विरुद्धच्या सामन्यानंतर, या रबाडाने दक्षिण आफ्रिका क्रिकेटर्स असोसिएशनचा हवाला देत एक निवेदन जारी केले आणि सांगितले की, त्याच्या ड्रग टेस्टचा अहवाल मनोरंजनात्मक औषधांच्या वापरामुळे पॉझिटिव्ह आला आहे. ज्यामुळे त्याला अचानक आयपीएल 2025 सोडून आपल्या देशात परतण्यास भाग पाडले गेले. यासोबतच रबाडाने सांगितले की त्याला तात्पुरते निलंबित करण्यात आले आहे.
रबाडाने निवेदनात म्हटले आहे की, “बातम्यांमध्ये अहावालानुसार, मी अलिकडेच आयपीएल सोडले आणि वैयक्तिक कारणांसाठी दक्षिण आफ्रिकेला परतलो. मनोरंजनात्मक औषधांच्या वापराबद्दलचा माझा अहवाल योग्यरित्या बाहेर न आल्यामुळे हे घडले. मी ज्यांना निराश केले आहे त्या सर्वांची मी माफी मागू इच्छितो. मी क्रिकेट खेळण्याचा विशेषाधिकार कधीही हलक्यात घेणार नाही. हा विशेषाधिकार माझ्यापेक्षा खूप मोठा आहे. तो माझ्या वैयक्तिक आकांक्षांपेक्षा जास्त आहे. मी तात्पुरत्या निलंबनाची शिक्षा भोगत आहे आणि मला खेळायला आवडते त्या खेळात परतण्याची मी उत्सुकतेने वाट पाहत आहे.”
रबाडाने या कठीण परिस्थितीत पाठिंबा दिल्याबद्दल एस एसीए, गुजरात टायटन्स, त्यांचे एजंट आणि कायदेशीर सल्लागारांचे आभार मानले आणि म्हणाला, “मी एकटा या परिस्थितीतून जाऊ शकलो नसतो. मी माझ्या एजंट, सीएसए आणि गुजरात टायटन्स यांचे त्यांच्या पाठिंब्याबद्दल आभार मानू इच्छितो. मी माझ्या कायदेशीर टीमचे मार्गदर्शन आणि सल्लामसलतीबद्दल देखील आभार मानू इच्छितो. सर्वात महत्त्वाचे म्हणजे, मी माझ्या मित्रांचे आणि कुटुंबाचे त्यांच्या समजूतदारपणा आणि प्रेमाबद्दल आभार मानू इच्छितो.”
🚨 STATEMENT FROM KAGISO RABADA 🚨
— Johns. (@CricCrazyJohns) May 3, 2025
– Rabada serving a provisional suspension after an adverse analytical finding of the use of a Recreational Drug. pic.twitter.com/Odyx04x1fl
