कोलकाता नाइट रायडर्सचा (केकेआर) वेगवान गोलंदाज लॉकी फर्ग्युसनसाठी हे वर्ष खास आहे. आयपीएलमधील जगातील सर्वोत्तम वेगवान गोलंदाजांपैकी एक असलेल्या पॅट कमिन्सबरोबर गोलंदाजी करण्यास तो आनंदित आणि उत्साहित आहे.
दोनवेळा आयपीएल चॅम्पियन केकेआरकडे यावेळी सर्वोत्तम गोलंदाज आहेत. बहुतेक गोलंदाज 140-150 किमी प्रति तासाच्या वेगाने सातत्यपूर्ण गोलंदाजी करू शकतात, स्टार्क वेगवान आक्रमणाने सुरुवात करेल.
न्यूझीलंडचा हा गोलंदाज 2012 च्या विश्वचषकात संघाच्या उपविजेतेपदाच्या मोहिमेतील कामगिरीसाठी चर्चेचा विषय बनला होता. तो म्हणाला की, “आम्ही 150 किमी प्रतितास वेगाने गोलंदाजी करू शकणार्‍या गोलंदाजांसाठी नेहमीच चांगले आहोत. होय,आम्ही निश्चितच एकमेकांविरुद्ध स्पर्धा करू.”
कसोटी क्रिकेटमधील पहिल्या क्रमांकाच्या वेगवान गोलंदाजांविषयी तो म्हणाला की, “तुम्हाला वेगवान गोलंदाजांच्या क्लबची माहिती आहे की नाही हे मला माहित नाही. पहा, पॅट सर्वोत्तम गोलंदाज आहे, याबद्दल काही शंका नाही. आंतरराष्ट्रीय स्तरावर जवळपास प्रत्येक वर्षी तो सर्वोत्कृष्ट गोलंदाज राहिला आहे.”
“त्याच्यामध्ये नेहमीच प्रगती होत आहे आणि तो अजूनही तरूण आहे. तो एक चांगला मुलगा आहे आणि मी त्याच्याबरोबर खांद्याला खांदा लावून गोलंदाजी करायला आतुर आहे.” असेही पुढे बोलताना तो म्हणाला.
फर्ग्युसन शुक्रवारी त्याच्या दुसर्‍या सत्रात अनिवार्य क्वारंटाईन पूर्ण केल्यानंतर संघाबरोबर प्रशिक्षण घेत होता.
केकेआर संघ 2020: दिनेश कार्तिक (कर्णधार), शिवन मावी, संदीप वॉरिअर, कुलदीप यादव, इऑन मॉर्गन, पॅट कमिन्स, हॅरी गार्ने, सुनील नरेन, निखिल नायक, एम सिद्धार्थ, आंद्रे रसेल, लॉकी फर्ग्युसन, प्रसिद्ध कृष्णा, शुभमन गिल, नितीश राणा, सिद्धेश लाड, कमलेश नागरकोटी, रिंकू सिंग, वरुण चक्रवर्ती, टॉम बंटन, ख्रिस ग्रीन, राहुल त्रिपाठी.