विकेट गमावताच स्टॉयनिसची शिवीगाळ स्टंपमाईकमध्ये कैद, पाहा हेजलवुडच्या षटकात काय घडले

मंगळवारी (१९ एप्रिल) लखनऊ सुपर जायंट्सच्या मार्कस स्टॉयनिस याने विकेट गमावल्यामुळे आरसीबीने १८ धावा शिल्लक ठेऊन सामना नावावर केला. आरसीबीचा वेगवान गोलंदाज जोस हेजलवुडने लखनऊच्या डावाच्या १९ व्या षटकात स्टॉयनिसची विकेट घेतली आणि संघाला विजय मिळवून दिला. विकेट गमावल्यानंतर स्टॉयनिस खूपच चिडल्याचे पाहायला मिळाले.

मुंबंईच्या डॉ. डी वाय पाटील स्टेडियममध्ये उभय संघातील हा सामना खेळला गेला, जो आरसीबीने आपल्या नावावर केला. लखनऊच्या बाजूने जोपर्यंत मार्कस स्टॉयनिस (Marcus Stoinis) खेळपट्टीवर होता, तोपर्यंत त्यांना जिंकण्याच्या आशा होत्या. परंतु, त्याने विकेट गमावल्यानंतर मात्र पराभव स्पष्ट दिसू लागला होता. दरम्यान, बाद झाल्यानंतर स्टॉयनिस स्वतःवर संयम ठेऊ शकला नाही.

लखनऊ सुपर जायंट्सला विजयासाठी १८२ धावांचे लक्ष्य मिळाले होते. १९ व्या षटकातील दुसरा जोश हेजलवुड (Josh Hazelwood) याने खूप पुढे टाकला होता. या चेंडूवर स्टॉयनिसने स्लॉग स्वीप खेळण्याचा प्रयत्न केला, पण चेंडू आणि बॅटचा संपर्क नीट झाला नाही. परिणामी चेंडू थेट स्टंप्समध्ये घुसला आणि स्टॉयनिसने विकेट गमावली. यानंतर खेळपट्टी सोडताना स्टॉयनिस खूप निराश आणि रागात दिसला. स्टंप माईकमध्ये त्याने अपशब्द उच्चारल्याचे देखील कैद झाले. या प्रसंगाचा व्हिडिओ सर्वत्र व्हायरल होत आहे.