चॅम्पियन्स ट्रॉफी 2025 च्या सेमीफायनलमध्ये ऑस्ट्रेलियाचे आव्हान भारतीय संघाविरुद्ध होते. रोहित शर्माच्या नेतृत्वाखालील भारतीय संघाने ऑस्ट्रेलियाला हरवून अंतिम फेरीत आपले स्थान निश्चित केले. भारताचा वेगवान गोलंदाज मोहम्मद शमी ऑस्ट्रेलियाविरुद्धच्या सेमीफायनलमध्ये पाणी पिताना दिसला. यानंतर इस्लामिक विद्वान आणि मौलानांनी मोहम्मद शमीवर टीका केली. मौलानांनी मोहम्मद शमीवर उपवासाचे नियम मोडल्याचा आरोप केला. एबीपी न्यूजशी झालेल्या संभाषणात मोहम्मद शमीच्या भावाने मौलानांना जोरदार प्रत्युत्तर दिले आहे.
अखिल भारतीय जमातचे मौलाना शहाबुद्दीन यांनी मोहम्मद शमीला उपोषणादरम्यान पाणी प्यायल्याबद्दल ट्रोल केले. यावर आता मोहम्मद शमीच्या भावाने उत्तर दिले आहे. एबीपी न्यूजशी बोलताना मोहम्मद शमीचा भाऊ मोहम्मद जैद म्हणाला की, मला अशा विधानांवर हसू येते. असे लोक केवळ टीआरपीसाठी वक्तव्य करतात. जेवढ मला माहिती आहे इमाम साहेबांनी देखील भरपूर पुस्तके वाचली असतील. जर कोणी कोणाच्या अंडर आहे, जर आपला संघ कुठे बाहेर राहिला आहे तर तेव्हा त्या खेळाडूला रोजा पाळण्याची आवश्यकता नाहीये. इमाम साहेबांचा या गोष्टीशी काही संबंध नाहीये.
मोहम्मद शमीचा भाऊ मोहम्मद जैदने 2017 च्या चॅम्पियन्स ट्रॉफीची आठवण काढली जेव्हा संपूर्ण पाकिस्तान संघ एकत्र कॉफी पीत होता. मोहम्मद जैद म्हणाला की कोणीही पाकिस्तान संघाला ट्रोल केले नाही, परंतु मोहम्मद शमीला वारंवार लक्ष्य केले जात आहे. हे आमच्यासाठी खूप दुर्दैवी आहे. आम्ही खूप कठोर खेळत आहोत, परंतु अशा प्रकारे लक्ष्य करणे योग्य नाही. त्याच वेळी, तो म्हणाला की पाकिस्तानच्या बाजूने बरेच लोक ट्रोल करत आहेत. मोहम्मद शमीला लक्ष्य केले जात आहे कारण तो चांगली कामगिरी करत आहे.
महत्वाच्या बातम्या :
भारताविरुद्ध अंतिम सामन्यापूर्वी न्यूझीलंडला मोठा धक्का, स्टार खेळाडू बाहेर पडण्याची शक्यता
SA vs NZ: दक्षिण आफ्रिकेचे स्वप्न भंगले, टेम्बा बावुमाने पराभवाबाबत केला मोठा खुलासा
दुबईमध्ये फाइनल पाहण्यासाठी जाणार आहात? जाणून घ्या तिकीट दर आणि प्रवासाची संपूर्ण माहिती
