भारतीय संघाचा अष्टपैलू खेळाडू हार्दिक पंड्याचा बडोद्यातील छोट्या घरापासून मुंबईतील आलिशान घरापर्यंतचा प्रवास प्रेरणा देणारा आहे. त्याने आपल्या मेहनतीच्या आणि कौशल्याच्या बळावर भारतासाठीच नव्हे तर आयपीएल फ्रँचायजी मुंबई इंडियन्स संघासाठी देखील महत्वाची भूमिका बजावली आहे. गेल्या काही वर्षात त्याने आक्रमक फलंदाज आणि घातक गोलंदाज म्हणून आपली जबाबदारी योग्यरीत्या पार पाडली आहे. आगामी टी -२० विश्वचषक स्पर्धेत देखील त्याच्याकडून चांगल्या कामगिरीची अपेक्षा असणार आहे. परंतु तो गोलंदाजी करताना दिसून येणार नाहीये. दरम्यान हार्दिक पंड्याने इएसपीएन क्रिकइंफोला दिलेल्या एका मुलाखतीत बऱ्याच गोष्टींसंबंधी खुलासा केला आहे.
हार्दिक पंड्याने म्हटले की, “जे काही सुरू आहे ते समजून घेण्यासाठी तुम्हाला दृढ मनाची आवश्यकता असते. मी आणि कृणाल हे समजण्यास सक्षम आहोत की, आमच्याकडे पैसा आहे. परंतु आम्ही नेहमी सुनिश्चित करतो की, आम्ही आमचे पाय जमिनीवरून वर उचलणार नाही. तुम्हाला वाटत असेल की, मी हवेत उडत आहे वगैरे. परंतु मला माहित आहे की, माझे पाय जमिनीवर आहेत. पैसा चांगला आहे भाऊ, हे खूप काही बदलू शकतं. मी देखील त्यापैकीच एक आहे. नाहीतर मी देखील पेट्रोल पंपवर काम करत असतो. मी खोटं बोलत नाहीये, माझ्या कुटुंबाला चांगले आयुष्य मिळावे या गोष्टीला मी अधिक प्राधान्य दिले.”
तसेच हार्दिक पंड्याने आणखी एक मोठा खुलासा देखील केला की, पैसाच क्रिकेटपटूला चांगली कामगिरी करण्यासाठी प्रेरित करत असतो. याबाबत बोलताना तो म्हणाला, “२०१९ मध्ये झालेल्या विश्वचषक स्पर्धेच्या वेळी माझी भेट एका अशा व्यक्तीसोबत झाली होती, ज्याने म्हटले होते की, ‘युवा खेळाडूंनी पैस्याकडे जास्त आकर्षित होऊ नये.’ मी या गोष्टीवर सहमत नव्हतो. कारण जेव्हा कुठल्या गावातील किंवा छोट्या शहरातील मुलाला करार मिळत असतो. त्यावेळी तो त्याचा वापर स्वतःसाठी न करता, आई – वडील आणि नातेवाईकांची सेवा करण्यासाठी करत असतो.”
“पैस्यामुळे फरक पडतो. हे प्रेरणा देखील देत असते. हा गैरसमज आहे की, लोकांनी पैस्याबद्दल बोलू नये. मी या गोष्टीवर विश्वास ठेवत नाही. जर पैसा नसेल तर मला नाही वाटत कितीतरी लोक क्रिकेट खेळतील,” असेही हार्दिक पंड्या म्हणाला.
महत्त्वाच्या बातम्या-
टी२० विश्वचषकातील ‘या’ विक्रमावर कोहलीची नजर, जयवर्धनेची ७ वर्षांची बादशाहत उध्वस्त बनेल नंबर १
गोलंदाजाचा आळशीपणा नडला आणि हातातोंडाशी आलेला घास हिरावला, लाईव्ह सामन्यातील प्रसंगाने वेधले लक्ष
