मुंबई: मुंबई इंडियन्स आंतरशालेय क्रिकेट स्पर्धेच्या मुंबई टप्प्यात एरोलीच्या सेंट झेव्हियर्स हायस्कूल संघाने १४ वर्षांखालील मुले गटात मिरा रोडच्या एनएल दालमिया हायस्कूल संघावर १४७ धावांनी विजय मिळवला. त्यांच्या या विजयाचे श्रेय यश गोसावीला जाते.
प्रथम फलंदाजी करताना सेंट झेव्हियर्स संघाने ४० षटकांत ८ बाद ३९७ धावांचा डोंगर उभा केला. यश गोसावीने ५२ चेंडूंत नाबाद ८९ धावांची दमदार खेळी केली. सुधांशू गडकरने त्याच्या खांद्याला खांदा लावून ८० धावांचे योगदान दिले.
लक्ष्याचा पाठलाग करताना एनएल दालमिया हायस्कूल संघाला ४० षटकांत ९ बाद २५० धावा करता आल्या. सेंट झेव्हियर्स संघाने हा सामना १४७ धावांनी जिंकला. यश गोसावीला सामनावीर म्हणून गौरविण्यात आले.
संक्षिप्त धावफलक
१४ वर्षांखालील मुले
सेंट झेव्हियर हायस्कूल ( एरोली) ४० षटकांत ८ बाद ३९७ ( यश गोसावी ८९*, सुधांशू गडकर ८०) वि. वि. एनएल दालमिया हायस्कूल ४० षटकांत ९ बाद २५०; सामनावीर – यश गोसावी ( ५२ चेंडूंत नाबाद ८९ धावा)