Siddhesh Lad Captain Of Mumbai South Central Maratha Royals: यंदाच्या आयपीएल हंगामाचा (IPL 2025) फायनल सामना (3 जून) रोजी खेळला जाईल. त्यानंतर 4 जूनपासून मुंबई टी20 लीग (Mumbai T20 League 2025) सुरू होईल. यंदा एकूण 8 संघ या लीगमध्ये खेळताना दिसतील. आता मुंबई साउथ सेंट्रल मराठा रॉयल्स फ्रँचायझीने ही लीग सुरू होण्यापूर्वीच सिद्धेश लाडला कर्णधार म्हणून नियुक्त केले आहे. (Siddhesh Lad as its captain Mumbai South Central Maratha Royals)
202-23 हंगामात गोव्याकडून खेळल्यानंतर, सिद्धेश लाडला एक वर्षाचा ब्रेक घ्यावा लागला, त्यानंतर त्याने गेल्या वर्षी रणजी ट्रॉफीमध्ये मुंबईसाठी यशस्वी पुनरागमन केले. संघाचे मार्गदर्शक आणि भारताचे माजी सहाय्यक प्रशिक्षक अभिषेक नायर यांनी एका निवेदनात म्हटले आहे की तो (लाड) असा खेळाडू आहे जो खेळ चांगल्या प्रकारे वाचू शकतो, दबाव हाताळू शकतो आणि उदाहरणाने नेतृत्व करू शकतो. तो प्रत्येक स्वरूपात खेळला आहे आणि प्रत्येक भूमिकेशी जुळवून घेतले आहे. त्याने नेहमीच योगदान दिले आहे. (Karun Nair talking about Siddhesh Lad)
तुषार देशपांडे आणि अरमान जाफर यांचाही मराठा रॉयल्स संघात समावेश होता. पण देशपांडे इंग्लंड दौऱ्यावर इंडिया-अ संघाकडून खेळेल. दुसरीकडे, मुंबई क्रिकेट असोसिएशनच्या (MCA) अधिकाऱ्याने पीटीआयला पुष्टी दिली की 26 वर्षीय अरमान देखील लीगमध्ये सहभागी होऊ शकणार नाही कारण त्याने एमसीएला विनंती केली आहे की तो पुद्दुचेरीकडून खेळू इच्छितो. त्याची विनंती मान्य करण्यात आली आहे. देशपांडे आणि अरमान यांच्या पर्याय म्हणून रोहन राजे आणि सक्षम पराशर यांचा संघात समावेश करण्यात आला आहे.
मुंबई टी20 लीगचे आतापर्यंत 2 हंगाम झाले आहेत आणि आता हा तिसरा हंगाम खेळवला जाईल. यावेळी लीगमध्ये मुंबई नॉर्थ ईस्ट, वांद्रे ब्लास्टर्स, नॉर्थ मुंबई पँथर्स, मुंबई फाल्कन्स, एआरसीएस अंधेरी आणि ईगल ठाणे स्ट्रायकर्स, आकाश टायगर्स मुंबई वेस्टर्न सबर्ब्स आणि मुंबई साउथ सेंट्रल मराठा रॉयल्ससह 8 संघांचा समावेश आहे. त्यामुळे यंदा या हंगामात कोण बाजी मारणार? हे पाहणे देखील उत्सुकतेचे ठरेल.
