पुणे। थर्डआय स्पोर्ट्स अँड इव्हेंट्स एलएलपी यांच्या तर्फे आयोजित तिसऱ्या थर्डआय करंडक टी-20 क्रिकेट 2019 स्पर्धेत साखळी फेरीत नाशिक स्पोर्ट्स फिटनेस अकादमी, पीएमपी ग्रुप व पाथ स्पोर्ट्स या संघांनी आपापल्या प्रतिस्पर्ध्यांचा पराभव करत उपांत्यपुर्व फेरीत प्रवेश केला.
कटारिया हायस्कुल क्रिकेट मैदान, मुकुंदनगर येथे सुरु झालेल्या या स्पर्धेत साखळी फेरीत तिक देवरेच्या दमदार शतकी खेळीच्या जोरावर नाशिक स्पोर्ट्स फिटनेस अकादमी संघाने पुनित बालन ग्रुप संघाचा 4 गडी राखून पराभव करत उपांत्यपुर्व फेरीत प्रवेश केला. पहिल्यांदा खेळताना ऋषभ राठोडच्या नाबाद 97 धावांसह पुनित बालन ग्रुप संघाने 20 षटकात 3 बाद 210 धावांची भक्कम खेळी केली. 210 धावांचे लक्ष प्रतिक देवरेच्या जलद 107 धावांसह नाशिक स्पोर्ट्स फिटनेस अकादमी संघाने 1 चेंडू राखून 6 बाद 213 धावांसह पुर्ण करत उपांत्यपुर्व फेरी गाठली.
दुस-या लढतीत अमेय श्रिखंडेच्या नाबाद 78 धावांच्या बळावर पीएमपी ग्रुप संघाने वर्चुअल सिम्युटेक संघाचा 39 धावांनी पराभव करत उपांत्यपुर्व फेरी गाठली. पहिल्यंदा खेळताना पीएमपी ग्रुप संघाने 20 षटकात 3 बाद 198 धावा केल्या. यात अमेय श्रिखंडेने नाबाद 78, ओमकार कनातपेने 54 तर सुशांत खैरेने 51 धावा करून संघाचा डाव भक्कम केला. 198 धावांच्या आव्हानाचा पाठलाग करताना वर्चुअल सिम्युटेक संघाचा डाव 20 षटकात 8 बाद 159 धावात अटोपला. यात जयेश राठोडने 73 धावा करून संघाच्या डावाला आकार दिला. अमोय श्रिखंडे सामनावीर ठरला.
अन्य लढतीत अत्मन पोरेच्या अष्टपैलु कामगिरीच्या जोरावर पाथ स्पोर्टस् संघाने 22 यार्डस् संघाचा 5 गडी राखून पराभव करत उपांत्यपुर्व फेरीत प्रवेश केला.
स्पर्धेचा सविस्तर निकाल: साखळी फेरी:
पुनित बालन ग्रुप- 20 षटकात 3 बाद 210 धावा(ऋषभ राठोड नाबाद 97, ऋषिकोश मोटकर 28, दर्शित मोदी 24, सुरज शिंदे 24, श्रिधर बारोत नीबीद 30, रोहित भोरे 1-40) पराभूत वि नाशिक स्पोर्ट्स फिटनेस अकादमी: 19.5 षटकात 6 बाद 213 धावा(प्रतिक देवरे 107(49), दर्शन सोनादने नाबाद 27, धिरज मंत्री 3-32, अक्षय जाधव 2-34) सामनावीर- प्रतिक देवरे
नाशिक स्पोर्ट्स फिटनेस अकादमी संघाने 4 गडी राखून सामना जिंकला
पीएमपी ग्रुप- 20 षटकात 3 बाद 198 धावा(अमेय श्रिखंडे नाबाद 78(65), ओमकार कनातपे 54(28), सुशांत खैरे 51(26), मनोज यादव 2-41) वि.वि वर्चुअल सिम्युटेक- 20 षटकात 8 बाद 159 धावा(जयेश राठोड 73(49), सक्षम दरेकर 3-24) सामनावीर- अमोय श्रिखंडे
पीएमपी ग्रुप संघाने 39 धावांनी सामना जिंकला
22 यार्डस्- 17.3 षटकात सर्वबाद 76 धावा(प्रज्ञेश बराटे 26, रोहित करंजकर 15, निरज कुमार 3-14, अत्मन पोरे 2-3, स्वप्निल कुलकर्णी 2-9) पराभूत वि पाथ स्पोर्टस्- 9.2 षटकात 5 बाद 77 धावा(शुभम नागवडे 18, रोहित जाना नाबाद 14, धिरज फतंगरे 14, प्रज्ञेश बराटे 2-22) सामनावीर- अत्मन पोरे
पाथ स्पोर्टस् संघाने 5 गडी राखून सामना जिंकला.