नागपूर। भारताची स्टार बॅडमिंटनपटू सायना नेहवालने राष्ट्रीय बॅडमिंटन स्पर्धेच्या उपांत्यपूर्व फेरीत आज प्रवेश केला आहे. तिचा आज उपउपांत्यपूर्व फेरीत जी. वृषालीशी सामना झाला.
या सामन्यात सायनाने आपल्या अनुभवाच्या जोरावर २१-१२, २१-१० असा सरळ सेट मध्ये सहज विजय मिळवला. पहिल्या सेटमध्ये वृषालीने सायनाला झुंज देण्याचा प्रयत्न केला.परंतु सायनाने हा सेट जिंकत सामन्यात आघाडी मिळवली.
दुसऱ्या सेटमध्ये सायना ११-३ अशी ८ पॉइंट्सने आघाडीवर असताना वृषालीने सलग ५ पॉईंट्सची कमाई करत सायनाची १२-८ अशी आघाडी कमी केली. परंतु यात वृषालीला सातत्य राखण्यात अपयश आले. त्यामुळे सायनाने हा सेट सहज जिंकून सामना आपल्या नावावर केला.
And @NSaina snatches an easy win 21-12 21-10 vs Vrushali at #SNBC2017 @SNBCIndia2017 #Indianbadminton
— TFG Badminton (@TFGbadminton) November 6, 2017