आयपीएल 2023मध्ये रॉयल चॅलेंजर्स बेंगलोर विरुद्ध लखनऊ सुपरजायंट्स असा खेळला गेला होता. या सामन्यात मोठा वाद पाहायला मिळालेला. आरसीबीचा कर्णधार विराट कोहली, लखनऊचा युवा वेगवान गोलंदाज नवीन उल हक व लखनऊचा मेंटर गौतम गंभीर हे या वादाच्या केंद्रस्थानी होते. या वादानंतर मॅच रेफ्रींनी तिघांवर दंडात्मक कारवाई केलेली. मात्र, आता गंभीर व नवीन यांनी एक छायाचित्र शेअर करत नकळतपणे विराटची खोड काढली.
लखनऊ येथील इकाना स्टेडियमवर झालेल्या या सामन्यात आरसीबीने छोट्या धावसंख्येचा बचाव करत शानदार विजय मिळवला. मात्र सामन्या दरम्यान विराट कोहली व नवीन उल हक यांच्या दरम्यान बाचाबाची झाली होती. सामना संपल्यानंतर हातमिळवणी करताना देखील या दोघांमध्ये वाद झाला. त्यानंतर लखनऊचा मेंटर गौतम गंभीर याने देखील या वादात उडी घेत विराटसोबत हुज्जत घातली होती. हे प्रकरण चिघळल्याने दोन्ही खेळाडू एकमेकांच्या अंगावर गेले. या संपूर्ण प्रकरणामुळे आयपीएल व सर्व खेळाडूंची मोठ्या प्रमाणावर बदनामी झाली. मॅच रेफ्रींंनी गंभीर व विराट यांच्यावर शंभर टक्के मॅच फी कपातीची कारवाई केली. तर, नवीनला 50 टक्के मॅच फी इतका दंड आकारला गेलेला.
https://www.instagram.com/p/Cr6HMAhoZZ9/?igshid=NTc4MTIwNjQ2YQ==
त्यानंतर आता नवीन उल हकने आपल्या इंस्टाग्रामवरून एक छायाचित्र शेअर केले आहे. यामध्ये त्याच्यासह गंभीर देखील दिसून येतोय. त्या छायाचित्राला कॅप्शन देताना त्यांनी लिहिले,
‘तुम्ही लोकांशी तसेच वागा तसेच तुम्हाला हवे आहे. लोक तुमच्याशी ज्या पद्धतीने बोलतील त्याच पद्धतीने उत्तरही द्या’ त्यानंतर त्याला गंभीरने रिप्लाय देत लिहिले, ‘जसा आहे तसा रहा’
या प्रकरणामुळे सोशल मीडियावर या दोघांना ट्रोल करण्यात येत आहे. तसेच विराट निर्दोष असल्याचेही अधिक जण म्हणतात.
(Naveen Ul Haq New Instagram Post Gambhir Reply Virat Kohli)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
लाईव्ह सामन्यात आरसीबीचा पुन्हा राडा! वॉर्नर आणि सॉल्टशी भिडला सिराज
50- 50 आणि 50! विराटने जुळवला ‘हा’ अनोखा योगायोग, वाचून तुम्हीही कराल कौतुक
