न्यूझीलंड संघाने पाकिस्तान विरुद्ध (Pak vs NZ) दणदणीत विजय मिळविला आहे. 5 सामन्यांची झालेली T20 मालिका न्यूझीलंड संघाने जिंकली आहे. न्यूझीलंड संघाने 5 सामन्यांची टी-20 मालिका 4-1 अशी जिंकली. पाचव्या आणि शेवटच्या टी-20 सामन्यात त्यांनी पाकिस्तानचा 8 विकेट्सने पराभव केला. न्यूझीलंडसमोर सामना जिंकण्यासाठी 129 धावांचे लक्ष्य होते, जे त्यांनी टिम सेफर्टच्या 2 विकेट्ससह 97 धावांच्या खेळीच्या मदतीने साध्य केले. टिम सेफर्टने 38 चेंडूत 6 चौकार आणि 10 षटकारांसह 97 धावा केल्या. सेफर्टने पहिल्या विकेटसाठी फिन एलनसोबत 93 धावांची भागीदारी केली. सेफर्टशिवाय फिन एलनने 27 धावांची खेळी केली.
नाणेफेक गमावल्यानंतर प्रथम फलंदाजी करताना पाकिस्तानने पाचव्या आणि शेवटच्या टी-20 सामन्यात न्यूझीलंडसमोर 129 धावांचे लक्ष्य ठेवले. पाकिस्तानने प्रथम फलंदाजी करताना कर्णधार सलमान आघाच्या 51 आणि शादाब खानच्या 28 धावांच्या जोरावर 9 विकेट गमावून 128 धावा केल्या. या दोघांव्यतिरिक्त, न्यूझीलंडच्या गोलंदाजांसमोर पाकिस्तानचा एकही फलंदाज टिकू शकला नाही. शादाब खान आणि सलमान आघाने सहाव्या विकेटसाठी 54 धावांची भागीदारी केली. न्यूझीलंडकडून जिमी नीशमने 5 आणि जेकब डफीने 2 विकेट घेतल्या.
तिसरा सामना वगळता पाकिस्तानची कामगिरी खराब राहिली आहे. तिसऱ्या सामन्यात पाकिस्तानने हसन नवाजच्या शतकाच्या जोरावर 205 धावांचे लक्ष्य फक्त 1 विकेटने पूर्ण केले. पाकिस्तान संघाने पहिल्या सामन्यात 91 धावा केल्या तर दुसऱ्या आणि चौथ्या टी-20 सामन्यात अनुक्रमे 135 आणि 104 धावा केल्या. पाचव्या आणि शेवटच्या सामन्यात, मेन इन ग्रीन संघ विजयाने शेवट करू इच्छित असेल. टी-20 मालिकेनंतर, पाकिस्तान आणि न्यूझीलंड यांच्यात 29 मार्चपासून 3 सामन्यांची एकदिवसीय मालिका देखील सुरू होणार आहे.
