वनडे मालिका तर जिंकली, टी२० जिंकणे अवघड? वेस्ट इंडिजचा ‘हा’ विस्फोटक फलंदाज परतोयं

वेस्ट इंडिजच्या संघात विस्फोटक फलंदाजी शिमरोन हेटमायरचे संघपुनरागमन होणार आहे. कर्णधार निकोलस पुरनने हेटमायरच्या पुनरागमनाचे संकेत दिले आहेत. त्याने सांगितले की, हेटमायरने फिटनेस टेस्ट पास केली असून तो भविष्यात होणाऱ्या संघनिवडीसाठी उपलब्ध असणार आहे.

शिमरोन हेटमायर (Shimron Hetmyer) हा सध्या दुखापतीमुळे वेस्ट इंडिज संघाच्या बाहेर आहे. त्याच्या संघात नसण्याने फलंदाजीवर त्याचा परिणाम झाला आहे. तर निकोलस पुरन (Nicolas Pooran) याने तो लवकरच संघात परतणार याचे संकेत दिले आहेत.

सध्या वेस्ट इंडिज विरुद्ध भारत (WIvsIND) यांच्यात त्रिनिदाद येथे वनडे मालिका सुरू आहे. या मालिकेतील तिसरा सामना बुधवारी (२७ जुलै) खेळला जात आहे. या सामन्या अगोदर पूरन म्हणाला, फिटनेस टेस्टमध्ये हेटमायर पास झाला आहे. तो संघात कधी परतणार याची नक्की तारीख नाही सांगू शकत पण तो संघात परतणार आहे.

यजमान संघ या वनडे मालिकेतील पहिले दोन्ही सामने हरला आहे. याबाबत बोलताना पुरन म्हणाला, “आम्ही नवनवीन पद्धतींनी पराभूत होत आहोत. परंतु खेळाडूंच्या आत्मविश्वासावर याचा काहीच परिणाम झाला नाही आणि ते पुन्हा एकदा सामन्यासाठी पूर्णपणे तयार आहेत. आम्ही तिसऱ्या सामन्यात आमच्या पूर्ण ताकदीने सामोरे जाऊ आणि विजय मिळवण्याचा प्रयत्न करू.”

या वनडे मालिकेनंतर वेस्ट इंडिज विरुद्ध भारत यांच्यात पाच सामन्यांची टी२० मालिका खेळली जाणार आहे. यासाठी भारतीय संघाने रोहित शर्मा याच्या नेतृत्वाखाली १७ जणांची निवड केली आहे. तर यजमान संघाने अजूनही संघ घोषित केला नाही. या मालिकेतील पहिला सामना २९ जुलैला त्रिनिदाद येथे खेळला जाणार आहे. यामुळे हेटमायर या टी२० मालिकेत खेळू शकतो.

वेस्ट इंडिजच्या संघाने पहिले दोन्ही सामने फार कमी फरकाने गमावले आहेत. त्यांना पहिल्या सामन्यात ३ धावांनी आणि दुसऱ्या सामन्यात २ विकेट्सने पराभूत व्हावे लागले. तर तिसऱ्या सामन्यात जिंकून क्लिन स्वीप होण्याच्या प्रयत्नात यजमान संघ असणार आहे. शिखर धवन (Shikhar Dhawan) याच्या नेतृत्वाखाली असणाऱ्या भारतीय संघाने सगळ्या विभागात उत्तम कामगिरी केली आहे. मालिका २-० अशी जिंंकत वेस्ट इंडिज विरुद्ध लागोपाठ १२ वनडे मालिका जिंकण्याचा विश्वपराक्रम केला आहे. तिसरा सामना हा अनौपचारिकच असणार आहे.

महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा

महत्वाच्या बातम्या-

‘तो काही चमत्कार करू शकणार नाही’, द्रविडने आणलेल्या खास माणसाबद्दल श्रीसंतचे लक्षवेधी भाष्य

‘त्याला डिलीट कर यार…’, पंतच्या इंस्टा लाईव्हदरम्यान रोहितचे लक्षवेधी भाष्य

दिनेश कार्तिकची जुळी मुळे पाहिलीत का? वेस्ट इंडीजला जाण्यापूर्वी शेअर केलाय गोड फोटो