माजी ऑस्ट्रेलियन क्रिकेटपटू डेव्हिड वॉर्नरला एअर इंडियाच्या विमानात बराच वेळ वाट पाहावी लागली. त्यानंतर डेव्हिड वॉर्नरने एअर इंडियावर आपला राग व्यक्त केला. डेव्हिड वॉर्नर म्हणाले की, एअर इंडियाच्या विमानाला पायलटशिवाय बराच वेळ वाट पाहावी लागली. डेव्हिड वॉर्नरने लिहिले की, ‘आम्ही पायलटशिवाय विमानात चढलो आणि तासन्तास विमानात वाट पाहिली. एअर इंडियाला माहित आहे की विमानासाठी पायलट उपलब्ध नाही, तरीही तुम्ही प्रवाशांना का बसवता?’ त्याच वेळी, यानंतर एअर इंडियाने डेव्हिड वॉर्नरला उत्तर दिले आहे.
डेव्हिड वॉर्नरला उत्तर देताना एअर इंडियाने लिहिले की बंगळुरूमध्ये खराब हवामानामुळे विमानांना विलंब होत आहे. एअर इंडियासह अनेक विमान कंपन्यांना उड्डाणांना विलंब सहन करावा लागला आहे. याशिवाय, एअर इंडियाने स्पष्टीकरणात म्हटले आहे की ज्या फ्लाइट मध्ये डेव्हिड वॉर्नर उपस्थित होते त्या फ्लाइट मधील पायलटला दुसरीकडे ड्यूटी भेटली होती व ते तिथे व्यस्त होते. तथापि, डेव्हिड वॉर्नर आणि इतर प्रवाशांना झालेल्या गैरसोयीबद्दल एअर इंडियाने निराशा व्यक्त केली.
एअर इंडियाने त्यांच्या स्पष्टीकरणात लिहिले आहे की प्रिय श्री वॉर्नर, बेंगळुरूमधील खराब हवामानामुळे, सर्व विमान कंपन्यांनी त्यांचे मार्ग बदलले आहेत आणि त्यांना उशीर झाला आहे. तुमच्या फ्लाइट चालवणाऱ्या क्रूला दुसऱ्या कामावर पाठवण्यात आले होते, ज्यामुळे उड्डाणाला उशीर झाला. आम्ही तुमच्या धाडसाचे कौतुक करतो आणि आमच्यासोबत उड्डाण करण्याचा निर्णय घेतल्याबद्दल धन्यवाद.
