टेनिस विश्वातून सर्वात मोठी बातमी समोर येत आहे. फ्रेंच ओपन 2023चा अंतिम सामना रविवारी (दि. 11 जून) सर्बियाचा स्टार टेनिसपटू नोवाक जोकोविच विरुद्ध कॅस्पर रूड यांच्यात पार पडला. हा सामना जिंकत जोकोविचने इतिहास रचला. नोवाक जोकोविच फ्रेंच ओपन 2023चा किताब जिंकला. जोकोविचने नॉर्वेच्या कॅस्पर रूडला 7-6, 6-3, 7-5 अशा सरळ सेटमध्ये पराभूत केले. विशेष म्हणजे, या विजयासह त्याने तिसऱ्यांदा फ्रेंच ओपन स्पर्धेचे विजेतेपद पटकावले.
ग्रँड स्लॅमचा 34वा अंतिम सामना
जागतिक मानांकित 3 क्रमांकाचा नोवाक जोकोविच (Novak Djokovic) हा कोणत्याही ग्रँड स्लॅम स्पर्धेचा 34वा अंतिम सामना खेळत होता. आता त्याने अंतिम सामना जिंकत जागतिक मानांकित अव्वल बनण्याचा मानही मिळवला. तसेच, माजी जागतिक मानांकित अव्वलस्थानी राहिलेल्या कॅस्पर रूड (Casper Ruud) याच्या कारकीर्दीतील हा तिसराच ग्रँड स्लॅम (Grand Slam) अंतिम सामना होता. मात्र, रूडने अद्याप एकही ग्रँड स्लॅम जिंकला नाहीये.
जोकोविचने मोडला नदालचा विक्रम
जोकोविचने फ्रेंच ओपन 2023 (French Open 2023) स्पर्धेचा किताब जिंकताच सर्वाधिक ग्रँड स्लॅम विजेतेपद पटकावण्याच्या बाबतीत स्पेनचा स्टार टेनिसपटू राफेल नदाल (Rafael Nadal) याचा विक्रम मोडला. जोकोविचच्या नावावर आता सर्वाधिक 23 ग्रँड स्लॅम किताब झाले आहेत. तसेच, नदाल याच्या नावावर आतापर्यंत 22 ग्रँड स्लॅम किताब आहेत. या यादीत तिसऱ्या स्थानी स्वित्झर्लंडचा स्टार टेनिसपटू रॉजर फेडरर (Roger Federer) असून त्याने 20 ग्रँड स्लॅम किताब जिंकले आहेत. (novak djokovic won french open 2023 most tennis grand slam winners record djokovic beat casper ruud)
सर्वाधिक ग्रँड स्लॅम जिंकणारे टेनिसपटू
नोवाक जोकोविच- 23
राफेल नदाल- 22
रॉजर फेडरर- 20
जोकोविचचे वेगवेगळ्या स्पर्धांमधील 23 ग्रँड स्लॅम किताब
ऑस्ट्रेलियन ओपन- 10
फ्रेंच ओपन- 3
विम्बल्डन- 7
यूएस ओपन- 3
महत्वाच्या बातम्या-
स्पेनच्या पठ्ठ्याला नमवत जोकोविचची French Open Finalमध्ये धडक, इतिहास रचण्यापासून फक्त एक पाऊल दूर
जोकोविच नदालवर भारी! रोलँड-गॅरोस स्पर्धेतील ‘हा’ भलामोठा विक्रम केला नावावर
