Sachin Tendulkar ODI Record: भारताचा महान क्रिकेटर सचिन तेंडुलकरला क्रिकेटच्या जगात ‘क्रिकेटचा देव’ मानले जाते. आंतरराष्ट्रीय क्रिकेटमध्ये 100 शतके ठोकणारा तो एकमेव फलंदाज आहे, जोपर्यंत तो खेळला, ऐतिहासिक रेकाॅर्ड आपल्या नावावर रचत राहिला. क्रिकेटच्या इतिहासात अशा अनेक तारखा आहेत, ज्या केवळ सचिनच्या एखाद्या रेकाॅर्डमुळे सुवर्ण अक्षरांनी कोरल्या गेल्या आहेत. दरम्यान (29 जून) ही अशीच एक महत्त्वाची तारीख आहे. (29 June Sachin Tendulkar record)
29 जून 2007 रोजी सचिन तेंडुलकरने एक मोठी कामगिरी आपल्या नावावर केली होती. बेलफास्टमध्ये दक्षिण आफ्रिकेविरुद्ध खेळताना, त्याने आपल्या वनडे कारकिर्दीत 15,000 धावांचा टप्पा पूर्ण केला होता. आजपर्यंत वनडे क्रिकेटमध्ये सचिन तेंडुलकरव्यतिरिक्त कोणत्याही दुसऱ्या फलंदाजाने 15,000 धावा केलेल्या नाहीत. या सामन्यात सचिनने 93 धावांची खेळी करून भारतीय संघाला विजय मिळवून दिला होता. हा सचिनचा 387 वा वनडे सामना होता. (Sachin Tendulkar 15000 ODI runs)
1989 ते 2012 या काळात सचिनने 463 वनडे सामन्यांमध्ये 44.83च्या सरासरीने 49 शतकांसह 96 अर्धशतकांच्या मदतीने 18,426 धावा केल्या आहेत. (Most ODI runs) त्याची सर्वाधिक धावसंख्या नाबाद 200 धावा आहे. सचिनच्या नावावर वनडे क्रिकेटमध्ये सर्वाधिक धावांचा रेकाॅर्ड आहे, जो कदाचित भविष्यात तुटणे कठीण आहे. (Most ODI runs)
याशिवाय, सचिनने 200 कसोटी सामन्यांमध्ये 51 शतकांसह 68 अर्धशतकांच्या 15,921 धावा केल्या आहेत, त्याची सर्वाधिक धावसंख्या नाबाद 248 आहे. तर एकमेव टी20 आंतरराष्ट्रीय सामन्यात त्याच्या नावावर 10 धावा आहेत.
मास्टर ब्लास्टरने आपल्या 24 वर्षांच्या आंतरराष्ट्रीय कारकिर्दीत 6 वनडे विश्वचषक खेळले. तो 1992, 1996, 1999, 2003, 2007 आणि 2011 च्या वनडे विश्वचषकांचा भाग होता. २००३ मध्ये भारतीय संघ विश्वचषक जिंकण्यापासून थोडक्यात चुकला होता. फायनल सामन्यात भारताला ऑस्ट्रेलियाकडून पराभव पत्करावा लागला होता. त्या विश्वचषकात सचिनने सर्वाधिक 673 धावा केल्या होत्या आणि ‘गोल्डन बॅट’चा किताब पटकावला होता. 2011 मध्ये त्याचे विश्वचषक जिंकण्याचे स्वप्न पूर्ण झाले. भारतीय संघाने मुंबईच्या वानखेडे स्टेडियमवर श्रीलंकेला हरवून आपला दुसरा वनडे विश्वचषक जिंकला होता. (Cricket history Sachin)
