चॅम्पियन्स ट्रॉफी (champions trophy 2025) भारताच्या विजयाने समाप्त झाली आहे. रोहित शर्माच्या नेतृत्वाखाली भारतीय संघाने अंतिम सामन्यात न्यूझीलंडचा 4 विकेट्सने पराभव केला. या विजयानंतर 75 वर्षीय सुनील गावस्कर स्टेडियममध्ये नाचू लागले. भारतीय संघाने शानदार कामगिरी केली तर पाकिस्तान यजमान म्हणून स्पर्धेतून बाहेर पडणारा पहिला संघ ठरला. सध्याच्या पाकिस्तान संघावर टीका करताना अनुभवी सुनील गावस्कर म्हणाले की, आमचा बी संघही त्यांना पराभूत करेल. आता पाकिस्तानचा माजी कर्णधार इंझमाम-उल-हक त्यांच्या विधानावर संतापले आहे.
चॅम्पियन्स ट्रॉफीच्या गट टप्प्यात भारताने पाकिस्तानवर 6 विकेट्सने शानदार विजय मिळवला. त्याआधी, न्यूझीलंडकडून पराभव पत्करल्यानंतर भारत स्पर्धेबाहेर पडण्याच्या उंबरठ्यावर होता. सुनील गावस्कर यांनी पाकिस्तान संघाबद्दल सांगितले की, आमचा संघ ब त्यांना अगदी सहज पराभूत करेल. ते म्हणाले की, संघ क बद्दल मला खात्री नाही, परंतु संघ ब पाकिस्तानवर मोठा विजय मिळवेल.
एका टीव्ही कार्यक्रमात बोलताना सुनील गावस्कर यांच्या विधानावर इंझमाम-उल-हकने प्रतिक्रिया दिली आहे. ते म्हणाले, “भारत यावेळी जिंकला आहे, भारतीय संघ चांगला खेळला आहे परंतु, सुनील गावस्करने काही आकडेवारी लक्षात घ्यावी आणि पहावी. एकदा तो शारजाहहून पळून गेला होता जेणेकरून त्याला पाकिस्तानशी खेळावे लागू नये.”
यानंतर तो म्हणाला, आजही आकडेवारी बघितली तर कळेल की पाकिस्तान आज कुठे आहे. मला खूप खेद वाटतो, तो एक महान क्रिकेटपटू होता, पण असे वक्तव्य करण्याआधी विचार करायला हवा होता.
महत्वाच्या बातम्या :
ICCच्या सर्वोत्कृष्ट चॅम्पियन्स ट्रॉफी टीममध्ये भारताचे 5 खेळाडू , पाकिस्तानच्या पदरात निराशा!
पांढरा ब्लेझर फक्त चॅम्पियन्स ट्रॉफी विजेत्यांसाठीच! यामागचं गुपित काय?
अनुष्का शर्माकडुन भारतीय खेळाडूंचं खास अभिनंदन, कर्णधार रोहितसह, हार्दिक पांड्याला दिल्या शुभेच्छा
