‘बीसीसीआयवर आर्थिक संकट?’ हुड्डाच्या ‘या’ करामतीवर नेटकऱ्यांचा सवाल

भारतीय क्रिकेट संघाने दुसऱ्या एकदिवसीय सामन्यात यजमान वेस्ट इंडिजचा (IND vs WI) 2 गडी राखून पराभव करत तीन सामन्यांच्या मालिकेत २-० अशी अभेद्य आघाडी घेतली आहे. टीम इंडियाचा विंडीजवरचा हा सलग १२वा एकदिवसीय मालिका विजय आहे. शिखर धवन अँड कंपनीने यासह पाकिस्तानचा विक्रमही उद्ध्वस्त केला. पाकिस्तान संघाने झिम्बाब्वेविरुद्ध सलग ११ एकदिवसीय मालिका जिंकली आहे. दुसऱ्या एकदिवसीय सामन्यात दीपक हुडा वेगवान गोलंदाज प्रसिद्ध कृष्णाच्या जर्सीत दिसला. यानंतर लोकांनी भारतीय क्रिकेट नियामक मंडळाला (बीसीसीआय) ट्रोल करण्यास सुरुवात केली.

वास्तविक, असे काही घडले की, प्रसिद्ध कृष्णा या सामन्यात प्लेइंग इलेव्हनचा भाग नव्हता. त्याच्या जागी आवेश खानला वनडेमध्ये पदार्पण करण्याची संधी मिळाली. भारताला पहिले यश दीपक हुड्डा यांच्यामुळे मिळाले. त्याने काइल मेयर्सला त्याच्याच चेंडूवर बाद करून विंडीजला पहिला धक्का दिला. या सामन्यात हुडाच्या या विकेटपेक्षा त्याच्या जर्सीचीच जास्त चर्चा झाली. सामन्याच्या सुरुवातीला हुडाच्या जर्सीच्या मागील बाजूस टेप होता. खेळ पुढे जात असताना हुडाच्या जर्सीतून टेप निघून गेला. त्यानंतर ही जर्सी त्या प्रसिद्ध कृष्णाची असल्याचे आढळून आले, ज्यांच्या मागच्या बाजूला नाव लिहिले होते.

दीपक हुडाच्या जर्सीवर प्रसिद्ध कृष्णाचे नाव पाहून चाहत्यांनीही सोशल मीडियावर मस्ती करायला सुरुवात केली. काही लोकांनी तर बीसीसीआयला विचारले की, वेस्ट इंडिज दौऱ्यावर त्यांचे बजेट कमी आहे का? सोशल मीडियावर मीम्सचा गराडा पडला होता. एका यूजरने लिहिले की, ‘दीपक हुड्डा यांनी प्रसिद्ध कृष्णाची जर्सी का घातली आहे? बीसीसीआयचे बजेट कमी आहे का?

ट्विटरवर चिन्ना सूर्या नावाच्या युजरने लिहिले की, ‘दीपक हुड्डा यांनी प्रसिद्ध कृष्णाची जर्सी का घातली आहे? लाँड्री प्रॉब्लेम?’ त्याचप्रमाणे अनेकांनी वेगवेगळ्या प्रतिक्रियाही दिल्या. सामन्याबद्दल बोलायचे झाले तर भारतीय संघाने हा सामना २ चेंडू बाकी असताना २ विकेटने जिंकला. अक्षर पटेलच्या धडाकेबाज फलंदाजीने भारतीय संघाला विक्रमी विजय मिळवून देण्यात महत्त्वाची भूमिका बजावली.

महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा

महत्वाच्या बातम्या – 

‘रेकॉर्ड्स चांगले असूनही अर्शदीपच्या आधी आवेशला का मिळाली संधी?’, चाहत्यांनी विचारले प्रश्न

‘सामन्यानंतर बोलताना अय्यरची जीभ घसरली अन् पुढे….’, व्हिडिओ व्हायरल

आवेशचं भविष्य धोक्यात! वनडे पदार्पणातच ठरला असता संघाच्या पराभवाचं कारण