अल्टीमेट टेबल टेनिस (UTT) जवळ आले आहे आणि त्याचे निश्चित चिन्ह म्हणजे UTT सीझन ४ प्लेयर ड्राफ्ट जो शुक्रवारी मुंबईतील नॅशनल स्पोर्ट्स क्लब ऑफ इंडिया येथे पार पडला. संघ मालक, व्यवस्थापन आणि प्रशिक्षक यांनी रणनीती आणि नशीब आजमावत सर्वोत्तम संघ निवड केली आहे. UTT सीझन ४ प्लेअर ड्राफ्टने पुनरागमन सीझनसाठी स्टेज सेट केला.
पुणेरी पलटण टेबल टेनिस आणि गोवा चॅलेंजर्स यांनी ड्राफ्टची सुरुवात केली. ज्यांनी right to retain a player ठेवण्याचा त्यांचा अधिकार न वापरण्याचा निर्णय घेतला आणि त्यांना प्रथम निवडी घेण्याची दऑफर देण्यात आली. संधीचा उपयोग करून, पुणेरी पलटण टेबल टेनिस संघाने इजिप्तच्या ओमर असारला संघात घेण्यासाठी झोकून दिले, तर गोवा चॅलेंजर्सने थायलंडच्या माजी दक्षिणपूर्व आशियाई क्रीडा चॅम्पियन सुथासिनी सावेताबुतची निवड केली. अलीकडच्या स्पर्धांमध्ये असारने चमकदार कामगिरी केली आहे, ज्यामुळे त्याने ताज्या ITTF क्रमवारीत आठ स्थानांची झेप घेत जागतिक क्रमवारीत २२ वे क्रमांक पटकावला आहे.
“आमच्याकडे असलेल्या संतुलित संघामुळे आम्ही रोमांचित आहोत. प्रत्येक खेळाडू टेबलवर कौशल्ये आणि अनुभवाचा एक अद्वितीय संच आणतो आणि आम्हाला खात्री आहे की हा संघ आगामी लीगमध्ये चांगली कामगिरी करून दाखवेल. तीन वर्षांच्या प्रदीर्घ प्रतीक्षेनंतर, आम्ही शेवटी पुण्यात खेळत आहोत. आमचे होम स्टेडियम बालेवाडी आणि यासाठी आम्ही खूप उत्साहित आहोत,” असे पुणेरी पलटण टेबल टेनिसचे सीईओ कैलाश कंदपाल यांनी सांगितले.
राऊंड 2 मध्ये पहिली निवड करण्याची संधी मिळालेल्या यू मुंबा टीटीने यूएसएच्या लिली झांगची निवड केली, तर बेंगळुरू स्मॅशर्सने कझाकिस्तानच्या किरिल गेरासिमेन्कोला निवडले. मानुष शाहला पुणेरी पलटण टेबल टेनिस संघाने ऑनबोर्ड केले होते, तर हरमीत देसाई हा गोवा चॅलेंजर्स संघासाठी दुसरा पर्याय होता. साथियान ज्ञानसेकरन याला दबंग दिल्ली टीटीसीने त्यांच्या संघात कायम ठेवल्याने, त्यांनी दोन वेळची राष्ट्रीय चॅम्पियन श्रीजा अकुलाची निवड केली. लिऊ यांगझी (ऑस्ट्रेलिया) आणि बेनेडिक्ट डुडा (जर्मनी) हे चेन्नई लायन्सचे पहिले दोन निवडक होते, जे अचंता शरथ कमलसोबत खेळातील.
“संघबांधणीचा आम्हाला आनंद आहे. आम्ही शरथ कमलला आधीच कायम ठेवले होते आणि बाकीचे खेळाडूही आमची पहिली पसंती होती. आंतरराष्‍ट्रीय आणि देशांतर्गत खेळाडूंचा योग्य संतुलन राखल्यामुळे जेतेपदाचा बचाव करण्यासाठी हा आमचा संघ असू शकतो,’’ असे सहमालक डॉ. करिश्मा यादव व ऍड हरिणी यादव यांनी सांगितले. मनिका बत्रा हिला कायम ठेवल्याने, बेंगळुरू स्मॅशर्सने पोलंडच्या नतालिया बाजोर, पोयमंती बैस्या आणि अंकुर भट्टाचार्जी यांना संघात समाविष्ट करण्यापूर्वी सनील शेट्टीला संघात दाखल केले आहे.
“निवडीबद्दल खूप आनंद झाला. आमच्या मनात असलेले खेळाडू आम्हाला मिळाले. सर्व संघ संतुलित आहेत. मनिकासह आमची ताकद वाढलेली आहेच. किरिल इतर परदेशी खेळाडूंसाठी धोकादायक ठरू शकतो. तो यूटीटीमध्ये आश्वासन देत आहे. जागतिक स्तरावरही तो चांगल्या खेळाडूंना मात देत आहे. मनिका व्यतिरिक्त तो आमच्या संघातील मुख्य खेळाडू असेल, ”बेंगळुरू स्मॅशर्सचे मालक पुनित बालन म्हणाले.
यू मुंबा टीटीचे सीईओ सुहेल चंधोक ड्राफ्टमधील निवडीने खूश होऊन परतले. “ड्राफ्ट कसा गेला याबद्दल मी खूप आनंदी आहे. पहिली निवड करण्याची प्रथम क्रमांक पटकावला तेव्हा माझे काम झाले; आम्ही भाग्यवान होतो. लिली आणि [क्वाद्री] अरुणा, आमच्या शीर्ष निवडीसह आमच्यासोबत यशस्वीपणे सामील झाल्या. दीया या अप्रतिम प्रतिभावान स्थानिक खेळाडूला जोडल्याने आम्हाला खूप आनंद होतो. मौमा आमच्यात सामील झाल्यामुळे अनुभवाचा एक महत्त्वाचा स्तर जोडला जातो आणि सुधांशू देखील एक उत्तम खेळाडू आहे. आमच्याकडे ड्राफ्टपूर्वी मानव होता, त्यामुळे प्रशिक्षक आणि मी, आम्ही दोघेही आमच्याकडे असलेल्या संघाबद्दल पूर्णपणे रोमांचित आहोत,” असे त्यांनी सांगितले.
“हे फॉरमॅट संतुलित आहे. आमच्याकडे विविध प्रकारचे खेळाडू आहेत, काही नवीन आहेत, काही अनुभवी आहेत. आम्ही विजेतेपदासाठी उत्सुक आहोत आणि आम्हाला एक मजबूत संघ मिळाला आहे. पण सामन्याच्या दिवशी काय होते यावर सर्व काही अवलंबून आहे,” असे दबंग दिल्लीच्या मालक रोशिनी कपूर यांनी सांगितले. फ्रँचायझी-आधारित लीगचे प्रमोशन निरज बजाज आणि विटा दाणी यांनी टेबल टेनिस फेडरेशन ऑफ इंडियाच्या संयुक्त विद्यमाने केले आहे. UTT सीझन ४ पुण्यातील बालेवाडी क्रीडा संकुलात १३ ते ३० जुलै दरम्यान होणार आहे आणि स्पोर्ट्स 18 वर थेट प्रक्षेपण केले जाईल आणि Jio सिनेमावर पाहायला मिळेल. (Player Draft held for UTT Season 4; Strong players selected by the franchise!)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या –
मैदान गाजवलं! ओली पोपचे वेगवान द्विशतक, मायदेशातील 41 वर्ष जुना रेकॉर्ड मोडला
अजिंक्य रहाणेला कठीण काळात मिळाली ‘या’ लोकांची साथ, भारतीय संघातील पुनरागमनामुळे दिग्गज इमोशनल
