भारताविरुद्ध सर्वाधिक विकेट्स घेणारा गोलंदाज या मालिकेतही खेळणार, वाचा संपूर्ण यादी

रोहित शर्माच्या नेतृत्वातील भारतीय संघ सध्या इंग्लंड दौऱ्यावर आहे. मागच्या वर्षी देखील भारतीय संघ इंग्लंड दौऱ्यावर गेला होता.  त्यावेळी उभय संघात पाच सामन्यांची कसोटी मालिका खेळली गेली होती. मालिकेतीस पाचवा आणि शेवटचा सामना कोरोनाच्या कारणास्तव रद्द केला गेला होता, जो यावर्षी खेळला जाणार आहे. भारताविरुद्ध १ जुलैपासून खेळल्या जाणाऱ्या या सामन्यात इंग्लंडचा वेगवान गोलंदाज जेम्स अँडरसनची भूमिका सर्वात महत्वाची ठरणार आहे.

मागच्या वर्षीच्या चार कसोटी सामन्यांमध्ये देखील जेम्स अँडरसन (James Anderson) मुळे भारतीय संघाचा घाम निघाला होता. यावर्षीच्या एकमात्र कसोटी सामन्यात देखील तो भारतीय खेळाडूंसमोरची सर्वात मोठी बाधा ठरू शकतो. दरम्यान अँडरसन इंग्लंडचा एक दिग्गज गोलंदाज आहेच, पण त्याच्या नावावर अनेक विक्रम आहेत, जे आजही अबाधित आहेत. असाच एक विक्रम म्हणजे त्याने भारत आणि इंग्लंडमध्ये झालेल्या कसोटी मालिकांमध्ये इतर कोणत्याही गोलंदाजापेक्षा जास्त विकेट्स घेतल्या आहेत. चला तर नजर टाकुयात उभय संघात यापूर्वी झालेल्या कसोटी मालिकांमध्ये कोणत्या खेळाडूंनी सर्वाधिक विकेट्स घेतल्या आहेत.

भारत आणि इंग्लंड यांच्यातील कसोटी मालिकांमध्ये सर्वाधिक विकेट्स घेणार गोलंदाज 

जेम्स अँडरसन –
भारत आणि इंग्लंडमध्ये झालेल्या कसोटी सामन्यांमध्ये सर्वाधिक विकेट्स ह्या इंग्लंडच्या जेम्स अँडरसनने घेतल्या आहेत. अँडसनने भारताविरुद्ध तब्बल १३३ कसोटी विकेट्स घेतल्या आहेत. ३९ वर्षीय अँडरसन मागच्या मोठ्या काळापासून इंग्लंडचे प्रतिनिधित्व करत आहे आणि आजही इतर कोणत्याही गोलंदाजपेक्षा जास्त प्रभाव देखील त्याचाच आहे.