पुणे। महाराष्ट्र राज्य लॉन टेनिस असोसिएशन (एमएसएलटीए) च्या वतीने व महाराष्ट्र सरकारच्या सहकार्याने आयोजित आयोजित तिसऱ्या टाटा ओपन महाराष्ट्र टेनिस स्पर्धेत इटलीच्या सातव्या मानांकीत साल्वाटोर कारुसो याने भारताच्या रामकुमार रामनाथनाथनचा तर झेकियाच्या जिरी वेस्ली याने अर्जुन कढेचा पराभव करत दुस-या फेरीत प्रवेश केला.
म्हाळुंगे बालेवाडी येथील श्री शिवछत्रपती क्रीडा संकुलातील टेनिस कोर्टवर सुरु असलेल्या या स्पर्धेत पहिल्या फेरीत 1 तास 38 मिनिट चाललेल्या सामन्यात राष्ट्रीय क्रमांक एक व जागतिक क्रमांक 122 असलेल्या भारताच्या 3o वर्षीय प्रजनेश गुन्नेस्वरन याने संघर्षपुर्ण लढतीत जागतिक क्रमांक 131 असलेल्या जर्मनीच्या 30 वर्षीय यॅनिक मॅडेन याचा 7-6(4), 7-6(5) असा पराभव करत दुस-या फेरीत प्रवेश केला.
पहिल्या सेटमध्ये सहाव्या गेमअखेर ३-३ असा बरोबरीत सामना असताना प्रजनेशने आठव्या प्रजनेशने यॅनिकची सर्व्हिस ब्रेक केली.मात्र पुढच्याच नवव्या गेममध्ये यॅनिकने प्रजनेशची सर्व्हेिस ब्रेक करत पुन्हा सामना बरोबरीत आणला,. बाराव्या गेमअंती सामना 6-6 असा बरोबरी आल्याने टायब्रेक मध्ये गेला. टायब्रेकमध्ये प्रजनेशने आक्रमक पवित्रा घेत टायब्रेक जिंकून पहिला सेट 7-6(4) असा जिंकून घेतला. दुसरा सेटही संघर्षपुर्ण झाला.
प्रजनेशने आपल्या खेळात सातत्य राखत दुस-या सेटमध्ये उत्कृष्ट कामगिरी केली. दुसरा सेटही बाराव्या गेमपर्यंत ६-६ असा बरोबरीत झाल्याने टायब्रेक झाला. प्रजनेशने दुसरा सेट टायब्रेकमध्ये 7-6(5) असा जिंकत सामन्यात विजयासह दुस-या फेरीत प्रवेश केला.
2 तास 24 मिनिट चाललेल्या सामन्यात जागतिक क्रमांक 182 असलोल्या भारताच्या 25 वर्षीय रामकुमार रामनाथनचा जागतिक क्रमांक 98 असलेल्या 27 वर्षीय इटलीच्या सातव्या मानांकीत साल्वाटोर कारुसो याने 3-6,6-4,7-5 असा पराभव करत दुस-या फेरीत प्रवेश केला. रामनाथनने पहिला सेट 3-6 असा जिंकल्यानंतर साल्वाटोर कारुसो याने पुर्ण क्षमतेनिशी खेळत दुसरा व तीसरा सेट अनुक्रमे 6-4,7-5 असे जिंकत सामन्यात विजय मिळवला.
1 तास 24 मिनिट चाललेल्या सामन्यात ऑस्ट्रेलियाच्या सहाव्या मानांकीत जेम्स डकवर्थ याने जर्मनीच्या पीटर गोजोझिक याचा 7-6(5), 6-4 असा टायब्रेकमध्ये पराभव करत स्पर्धेच्या दुस-या फेरीत प्रवेश केला. जागतिक क्रमांक 96 असलेल्या 28 वर्षीय जेम्सने पहिल्या सेटमध्ये सावकाश सुरूवात केली.
बाराव्या गेमपर्यंत सामना 6-6 असा बरोबरीत राहिल्याने सेट टायब्रेकमध्ये गेला. टायब्रेकमध्येही जागतिक क्रमांक 106 असलेल्या 30 वर्षीय पीटरने चांगली झुंज दिली. मात्र जेम्सने 7-6(5) असा सेट जिंकत सामन्यात आघाडी घेतली. दुस-या सेटमध्ये चौथ्या गेमपर्यंत सामना 2-2 असा बरोबरीत असताना पाचव्या गेममध्ये जेम्सने पीटरची सर्व्हिस ब्रेक करत सामन्यात 3-2 अशी आघाडी घेतली. सहाव्या आठव्या व दहाव्या गेममध्ये स्वतःची सर्व्हिस राखत 6-4 असा सेट जिंकत सामन्यात विजय मिळवला.
पुण्याचा वाईल्ड कार्ड प्राप्त 26 वर्षाय जागतिक क्रमांक 612 असलेला अर्जुन कढेचा झेकियाच्या 26 वर्षीय जागतिक क्रमांक 107 असलेल्या जिरी वेस्ली याने 6-2,6-4 असा पराभव करत दुस-या फेरीत प्रवेश केला. पहिल्या सेटमध्ये पहिल्याच गेममध्ये जिरीने अर्जुनची सर्व्हिस ब्रेक करत अर्जुनवर दबाव निर्माण केला.
चौथ्या गेमपर्यंत जिरीने 3-1 अशी आघाडी घेत पाचव्या गेममध्ये पुन्हा अर्जुनची सर्व्हिस ब्रेक करत 4-1 अशी भक्कम आघाडी घेतली. सहाव्या व आठव्या गेममध्ये स्वतःची सर्व्हिस राखत जिरीने पहिला सेट 6-2 असा खिशात घतला. दुस-या सेटमध्येही पहिल्याच गेममध्ये जिरीने अर्जुनची सर्व्हिस ब्रेक करत 1-0 अशी आघाडी घेतली. पुढे दहाव्या गेमपर्यंत जिरीने स्वतःची सर्व्हिस राखत दुसरा सेट 6-4 असा जिंकत. सामना 6-2,6-4 असा जिंकून दुस-या फेरीत प्रवेश केला.
आठव्या मानांकीत बेलारूसच्या एगोर गेरासीमोव्ह याने इटलीच्या पाओलो लोरेन्झी याचा 6-2, 6-3 असा सरळ सेटमध्ये पराभव केला. तर इटलीच्या रॉबर्टो मार्कोराने झेकियाच्या लुकास रोझोल याचा 6-3, 6-2 असा सहज पराभव करत दुस-या फेरीत प्रवेश केला.
सर्बियाच्या निकोला मिलोजेव्हिक याने फ्रान्सच्या अँटोइन होआंग याचा 7-6(5), 6-4 असा तर बेलारूसच्या इल्या इवाश्का याने रशियाच्या एव्हजेनी डॉन्स्कोय याचा 6-3, 6-2 असा पराभव करत दुस-या फेरीत प्रवेश केला.
स्पर्धेचा सविस्तर निकाल।
एकेरी गट।
पहिली फेरी।
साल्वाटोर कारुसो (इटली)(7)वि.वि रामकुमार रामनाथन(भारत) 3-6,6-4,7-5
जेम्स डकवर्थ (ऑस्ट्रेलिया)(6)वि.वि पीटर गोजोझिक (जर्मनी) 7-6(5), 6-4
जिरी वेस्ली (झेकिया) वि.वि अर्जुन कढे (भारत) 6-2, 6-4
प्रजनेश गुन्नेस्वरन(भारत) वि.वि यॅनिक मॅडेन(जर्मनी) 7-6(4), 7-6(5)
एगोर गेरासीमोव्ह (बेलारूस)(8) वि.वि पाओलो लोरेन्झी (इटली) 6-2, 6-3
रॉबर्टो मार्कोरा (इटली) वि.वि लुकास रोझोल (झेकिया) 6-3, 6-2
निकोला मिलोजेव्हिक (सर्बिया) वि.वि अँटोइन होआंग (फ्रान्स)7-6(5), 6-4
इल्या इवाश्का (बेलारूस) वि.वि एव्हजेनी डॉन्स्कोय (रशिया) 6-3, 6-2