प्रो कबड्डी लीगच्या नवव्या हंगामात (Pro Kabaddi) शनिवारी (15 ऑक्टोबर) तीन सामने खेळले गेले. दिवसातील पहिल्या सामन्यात जयपूर पिंक पँथर्सने गुजरात जायंट्सला 25-18 अशा फरकाने पराभूत केले. दिवसातील दुसऱ्या सामन्यात गतविजेत्या दिल्लीने आपली झंझावाती कामगिरी कायम राखत सलग चौथा विजय संपादन केला. त्यांनी तेलगू टायटन्सला 46-26 अशा मोठ्या फरकाने पराभूत केले. तर, दिवसातील अखेरच्या सामन्यात बंगाल वॉरियर्सने पटना पायरेट्सला अक्षरशः निष्प्रभ करत 54-26 अशी मात दिली. बंगालने मिळवलेला हा विजय या हंगामातील सर्वात मोठा विजय ठरला.
दिवसातील पहिला सामना जयपुर पिंक पँथर्स व गुजरात जायंट्स यांच्या दरम्यान झाला. सलग तिसऱ्या विजयाच्या आशेने मैदानात उतरलेल्या जयपुरने खेळही तसाच दाखवला. भवानी राजपूत व अर्जुन देशवाल यांनी रेडिंगमध्ये 9 गुण कमावले. गुजरातसाठी प्रतीक दहिया अवघडता इतर सर्वांना अपयश आले. त्यामुळे अखेरीस गुजरातला 25-18 असा पराभव पत्करावा लागला.
Two wins in two nights for the #PantherSquad
Jaipur fans, tell us how you are feeling in the comments ????#vivoProKabaddi #FantasticPanga #JPPvGG pic.twitter.com/yHqNzQXdWC
— ProKabaddi (@ProKabaddi) October 15, 2022
दिवसातील दुसऱ्या सामन्यात गुणतालिकेत पहिल्या क्रमांकावर असलेल्या गतविजेत्या दबंग दिल्लीने या सामन्यावर अक्षरशः वर्चस्व गाजवले. नवीन कुमारने 12 व मनजितने 9 गुण घेत रेडिंगचे नेतृत्व केले. तसेच डिफेन्समध्ये सर्वच खेळाडूंनी योगदान दिल्याने दिल्लीचा सलग चौथा विजय सार्थ झाला. यासह त्यांनी गुणतालिकेतील अव्वल स्थान कायम राखले.
???????????????????? ???????????????? make it 4️⃣ in a row
Indeed, #HarDumDabang ????#vivoProKabaddi #FantasticPanga #TTvDEL pic.twitter.com/MQTw04T5fb
— ProKabaddi (@ProKabaddi) October 15, 2022
दिवसातील तिसऱ्या सामन्यात सुपर फॉर्ममध्ये असलेल्या बंगाल वॉरियर्सला पटना पायरेट्स आव्हान देऊ शकले नाहीत. मनिंदर सिंग व श्रीकांत जाधव यांनी जोरदार आक्रमण करत पहिल्याच सत्रात संघाला 26-11 अशी आघाडी मिळवून दिली होती. पहिल्या सत्रातील अपयशानंतर पटना संघ सावरला नाही. बंगालचे सर्व रेडर्स व डिफेंडर्स दुसऱ्या सत्रात अक्षरशः पटना संघावर तुटून पडले. पूर्ण वेळेनंतर त्यांनी 54-26 अशी तब्बल 28 गुणांची आघाडी घेत विजय साजरा केला.
