मराठीत माहिती- क्रिकेटर किरण मोरे

-त्याचवर्षी (1982-83) मोरे यांना वेस्ट इंडिज विरुद्धच्या कसोटीत सय्यद किरमानी यांच्या बदल्यात संघात घेण्यात आले होते. मात्र, त्या कसोटी मालिकेत त्यांना एकदाही खेळण्याची संधी मिळाली नव्हती.

-मोरे यांच्या क्रिकेट कारकिर्दीतील सर्वोत्कृष्ट फलंदाजी प्रदर्शन त्यांनी देशांतर्गत क्रिकेटमध्ये केले होते. त्यांनी बडोदाकडून खेळलेल्या देशांतर्गत चॅम्पीयनशीपच्या उपांत्य फेरीत नाबाद 153 आणि नाबाद 181 धावांची मोठी खेळी केली होती.

-मोरे यांना 1986 सालच्या इंग्लंडविरुद्धच्या कसोटी मालिकेत त्यांच्या यष्टीमागील कामगिरीने आणि फलंदाजीने एका रात्रीत स्टार बनवले होते. त्यांनी या मालिकेत यष्टीमागे 16 झेल पकडले होते आणि 52च्या सरासरीने 156 धावा केल्या होत्या. त्यांची फलंदाजी सरासरी ही त्या मालिकेतील दुसऱ्या क्रमांकाची सरासरी होती.

-यानंतर दोन वर्षांनी चेन्नईतील वेस्ट इंडिजविरुद्धच्या कसोटीत त्यांनी एकाच सामन्यात यष्टीमागे सर्वाधिक विकेट्स घेण्याचा विश्वविक्रम केला होता. भारतीय गोलंदाज नरेंदर हिरवानी यांच्या गोलंदाजीच्या मदतीने मोरे यांनी यष्टीमागील 6 विकेट्स घेत हा विश्वविक्रम आपल्या नावावर केला होता.

-एवढेच नाही तर, मोरे यांना एका नकोश्या गोष्टीसाठीही आठवले जाते. ती अशी की, 1990च्या लॉर्ड्स येथील कसोटीत त्यांनी इंग्लंडचे फलंदाज ग्रॅहम गूच यांचा महत्त्वाचा झेल पकडता आला नव्हता.

-क्रिकेटच्या सर्व स्वरूपातून निवृत्ती घेतल्यानंतर  मोरे यांनी 2000-2006 पर्यंत बीसीसीआयच्या निवड समितीचे अध्यक्षपद सांभाळले होते. गांगुली आणि चॅपल यांच्या वादादरम्यान मोरे यांच्या गांगुलीला कर्णधारपदावरून हटवण्याच्या निर्णयाने त्यांना चाहत्यांच्या रोषाला सामोरे जावे लागले होते.

-2007 साली त्यांची इंडियन क्रिकेट लीगच्या कार्यकारी संचालकपदी निवड झाली होती. पण त्यामुळे बीसीसीआयने त्यांच्यासह, कपिल देव आणि काही अन्य खेळाडूंवर बंदी घातली होती. 2012 नंतर ही बंदी उठवली.

-ते आता गुजरातमधील बडोदा येथील किरण मोरे-अलेम्बिक क्रिकेट अकॅडमी चालवतात.