गुवाहाटी येथील बारसपारा स्टेडियमवर बुधवारी (5 एप्रिल) राजस्थान रॉयल्स विरुद्ध पंजाब किंग्स असा सामना रंगणार आहे. कोणता संघ स्पर्धेतील सलग आपला दुसरा विजय मिळवतो याकडे सर्वांचे लक्ष असेल. राजस्थानच्या पहिल्या विजयात मोलाची भूमिका बजावलेल्या जोस बटलर व यशस्वी जयस्वाल यांचा या सामन्यापूर्वीचा एक व्हिडिओ सोशल मीडियावर चांगलाच व्हायरल होत आहे. तो पाहून सर्वजण बटलरचे विशेष कौतुक करत आहेत.
महत्त्वाच्या अशा या सामन्याच्या आदल्या दिवशी राजस्थान रॉयल्स संघाने स्टेडियममध्ये सराव केला. सरावात सर्वच प्रमुख खेळाडूंनी सहभाग नोंदवला होता. त्यावेळी संघाचा सर्वात महत्त्वाचा फलंदाज असलेल्या जोस बटलर याने आपला सलामीचा साथीदार असलेल्या यशस्वी जयस्वाल याच्याकडून खास सराव करून घेतला. बटलरने त्याला षटकार मारण्याविषयी टिप्स दिल्या असे या व्हिडिओमध्ये दिसत आहे. केवळ टिप्स न देता त्याने नक्की हा फटका कसा मारायला हवा याची तो पुन्हा उजळणी देखील घेताना दिसला.
https://www.instagram.com/reel/CqpeyYXrmOm/?igshid=MjljNjAzYmU=
बटलर हा उत्तुंग षटकार मारण्यासाठी प्रसिद्ध आहे. तसेच जयस्वाल हा भारताचा सर्वात उदयोन्मुख खेळाडू म्हणून ओळखला जातो. आयपीएलमध्ये हे दोघे मागील तीन वर्षांपासून एकत्रित सलामी देत आहेत. त्यामुळे या दोघांतील मैत्री देखील चांगली असल्याचे सांगितले जाते. सनरायझर्स हैदराबाद विरुद्ध झालेल्या हंगामातील पहिल्या सामन्यातही त्यांनीच राजस्थानच्या विजयाची मुहूर्तमेय रोवली होती. या जोडीने अवघ्या सहा षटकात 85 धावा कुटल्या होत्या. दोघांनी या सामन्यात प्रत्येकी 54 धावा केलेल्या. त्यानंतर राजस्थानने 203 धावा धावफलकावर लावल्या. गोलंदाजांनी देखील तशीच तोलामोलाची कामगिरी करत संघाला 72 धावांनी दणदणीत विजय मिळवून दिलेला.
(Rajasthan Royals Jos Buttler Give Tips To Yashasvi Jaiswal Video Goes Viral)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
पंच नितीन मेननचं स्वप्न खरं होणार! पहिल्यांदाच करणार ‘या’ महत्वाच्या मालिकेत अंपायरिंग
दुखापतग्रस्त राज बावाच्या जागी पंजाब किंग्जमध्ये दमदार खेळाडूची एन्ट्री, फ्रँचायझीने मोजली एवढी किंमत
