आज आयपीएल २०२०चा तिसरा सामना दुबई आंतरराष्ट्रीय क्रिकेट स्टेडियमवर होणार आहे. हा सामना रॉयल चॅलेंजर्स बेंगलोर आणि
आज आयपीएल २०२०चा तिसरा सामना दुबई आंतरराष्ट्रीय क्रिकेट स्टेडियमवर होणार आहे. हा सामना रॉयल चॅलेंजर्स बेंगलोर आणि सनरायझर्स हैद्राबाद यांच्यात खेळला जाणार आहे. तत्पुर्वी आजवर एकदाही विजेतेपद न भूषवलेल्या बेंगलोर संघाने एक अनोखा निर्णय घेत, लाखो चाहत्यांची मने जिंकली आहेत. RCB Players Decided To Write Covid-19 Heroes Name On Jersey
काही दिवसांपुर्वी बेंगलोर संघाने त्यांची नवी जर्सी लाँच केली होती. त्यावेळी त्यांनी कोविड-१९ योद्ध्यांचा सन्मान करण्याचा निर्णय घेतला होता. त्यामुळे त्यांनी आपल्या नव्या जर्सीवर ‘माय कोविड हिरोज’ असे लिहिले होते. याबरोबरच आता संघातील सर्व खेळाडूंनी एक अनोखा निर्णय घेत आपल्या जर्सीवर कोरोना वॉरियर्सची नावे लिहिली आहेत. सर्वांनी आपल्या अधिकृत ट्विटर अकाउंटवरची नावे बदलून त्यावरही कोरोना वॉरियर्सची नावे टाकली आहेत.
बेंगलोरचा कर्णधार विराट कोहलीने त्याच्या नव्या जर्सीमागे कोरोना वॉरियर सिमरनजीत याचे नाव लिहिले आहे. तर एबी डिविलियर्सच्या जर्सीवर त्याने पारितोष पंत हे नाव लिहून घेतले आहे. अशाप्रकारे विराट-डिविलियर्ससह संघातील इतर खेळाडूंनीही त्यांच्या जर्सीवर वेगवेगळी नावे लिहिली आहेत.
त्यांच्या या नव्या पावलाची दिल्ली कॅपिटल्सचा सहकारी प्रशिक्षक मोहम्मद कैफने जोरदार प्रशंसा केली आहे. कैफने त्याच्या अधिकृत इंस्टाग्राम अकाउंटवरुन विराटच्या जर्सीचा फोटो शेअर केला आहे.
त्याखाली त्याने लिहिले आहे की, “विराट कोहली आणि एबी डिविलियर्ससाठी मोठ्या प्रमाणावर सन्मान जाहीर. त्यांनी या आयपीएल हंगामात आपल्या जर्सीवर कोविड हिरोंची नावे लिहिण्याचा निर्णय घेतला आहे. मानवता आणि उदारतेचा संदेश जगभरात पसरवण्यासाठी आता क्रिकेट या माध्यमाचा वापर केला जात आहे. आणि यासाठी ह्या दोन स्टार खेळाडूंव्यातिरिक्त दूसरे अजून कोणही चांगले असू शकणार नाही.”