रॉयल चॅलेंजर्स बंगळुरूने अखेर 17 वर्षांनंतर चेपॉक मैदानावर चेन्नई सुपर किंग्जचा पराभव केला. शुक्रवारी बेंगळुरूने सीएसकेचा 50 धावांच्या मोठ्या फरकाने पराभव केला. याआधी 2008 मध्ये आरसीबीने याच मैदानावर चेन्नईचा शेवटचा पराभव केला होता. बेंगळुरूच्या या ऐतिहासिक विजयात कर्णधार रजत पाटीदारने महत्त्वाची भूमिका बजावली होती, ज्याने 51 धावांचे शानदार अर्धशतक झळकावले होते. खरंतर, आरसीबीने चेन्नईला हरवण्यासाठी एक खास योजना आखली होती, जी कर्णधार पाटीदारने स्वतः उघड केली आहे.
सीएसकेविरुद्धच्या विजयानंतर सामन्यानंतरच्या सादरीकरणात रजत पाटीदार म्हणाला, “चेपॉक येथील खेळपट्टीवर फलंदाजी करणे सोपे नव्हते. आम्हाला प्रथम फलंदाजी करून 200 धावसंख्या गाठायची होती कारण आम्हाला माहित होते की येथे पाठलाग करणे सोपे नाही. माझे ध्येय अगदी स्पष्ट होते की मी जोपर्यंत क्रीजवर राहतो तोपर्यंत प्रत्येक चेंडूवर धावा काढण्याचा प्रयत्न करेन. आम्ही आमच्या फलंदाजी क्रमवारीतही कोणताही बदल केला नाही.”
रजत पाटीदारने असेही सांगितले की त्याला जलद फिरकी गोलंदाजांचा वापर करायचा होता. त्याची ही रणनीती देखील कामी आली कारण लियाम लिव्हिंगस्टोन खूप धोकादायक ठरला. सामन्यात लिव्हिंगस्टोनने 4 षटकांत 28 धावा देत 2 बळी घेतले. याशिवाय, पाटीदारने जोश हेझलवूडच्या पहिल्या षटकाचे महत्त्व अधोरेखित केले, ज्यामुळे सामन्याचा रंग आरसीबीच्या बाजूने वळला.
रॉयल चॅलेंजर्स बंगळुरूने आतापर्यंत आयपीएल 2025 मध्ये त्यांचे दोन्ही सामने जिंकले आहेत. पहिल्या सामन्यात त्यांनी केकेआरला 7 विकेट्सने हरवले होते, आता त्यांनी चेन्नई सुपर किंग्जविरुद्ध 50 धावांनी विजय मिळवला आहे. सलग दोन सामने जिंकल्यानंतर बेंगळुरू 4 गुणांसह गुणतालिकेत अव्वल स्थानावर आहे.
रॉयल चॅलेंजर्स बंगळुरू संघाची प्लेइंग इलेव्हन : रजत पाटीदार,विराट कोहली, फिल्स सॉल्ट, देवदत्त पडिकल, लियाम लिविंगस्टोन,जितेश शर्मा,टीम डेविड कुणाल पांड्या, भुवनेश्वर, कुमार जोश हेजलवूड.
