आता त्यांची वेळ आली! या दोन नावांपासून सुरू होणार भारतीय संघातील बदलांना सुरुवात?

टी-20 विश्वचषक 2022 चा दुसरा उपांत्य सामना भारत आणि इंग्लंडमध्ये खेळला गेला. भारतीय संघाला या सामन्यात 10 गडी राखून पराभव स्वीकारावा लागला. या पराभवानंतर भारत विश्वचषकातून बाहेर पडला असून, खेळाडू व संघ व्यवस्थापनावर जोरदार टीका होताना दिसतेय. कर्णधार रोहित शर्मा व प्रशिक्षक राहुल द्रविड हे प्रामुख्याने टीकाकारांच्या निशाण्यावर आहेत. तसेच आता भारतीय क्रिकेटमध्ये बदलाचे वारे देखील लवकरच वाहणार असल्याचे बोलले जातेय. त्याचवेळी भारताचा माजी सलामीवीर रॉबिन उथप्पा याने भारतीय क्रिकेटच्या भविष्याबद्दल एक महत्त्वाचे वक्तव्य केले आहे.

विश्वचषकातील भारतीय संघाचे आव्हान संपुष्टात आल्यानंतर अनुभवी खेळाडूंना संघा बाहेर केले जाऊ शकते. पुढील टी20 विश्वचषक 2024 मध्ये खेळला जाईल. त्या विश्वचषकात भारताचा एक युवा संघ दिसण्याची शक्यता आहे. या संघात यष्टीरक्षक संजू सॅमसन व राहुल त्रिपाठी यांचा समावेश केला जावा असे उथप्पा म्हणाला. त्याने म्हटले,

“इथून पुढे भारतीय टी20 संघात मी संजू सॅमसन व राहुल त्रिपाठी यांना सातत्याने पाहू इच्छितो. ते भारतीय संघाला नक्कीच मजबुती देतील.”

संजू व त्रिपाठी यांनी सातत्याने आयपीएल व देशांतर्गत क्रिकेटमध्ये खोऱ्याने धावा काढल्या आहेत. संजू आयपीएलमध्ये राजस्थान रॉयल्सचे नेतृत्वही करतो. नजीकच्या काळात त्याने भारतीय संघासाठी धावा केल्या आहेत. टी20 विश्वचषकात त्याचा संघात समावेश करण्यात यावा, अशी मागणी केली जात होती. मात्र, अखेर रिषभ पंत व दिनेश कार्तिक यांना संधी देण्यात आलेली. दुसरीकडे राहुल त्रिपाठी हा जून महिन्यापासून सातत्याने भारतीय संघासोबत आहे. आयर्लंड, वेस्ट इंडिज व झिम्बाब्वे दौऱ्यावर तो भारतीय संघाचा भाग होता. मात्र, त्याला अद्याप आंतरराष्ट्रीय पदार्पण करण्याची संधी मिळाली नाही. ‌‌‌‌

(Robbin Uthappa Backs Sanju Samson And Rahul Tripathi For T20 Team)

महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
सेमी-फायनलमधील पराभवानंतर अशी होती टीम इंडियाच्या ड्रेसिंग रूममधील परिस्थिती
उमरान मलिक न्यूझीलंडमध्ये आपल्या वेगाने कहर करायला सज्ज, फिटनेस व्हिडिओ व्हायरल