भारताचा दिग्गज क्रिकेट रोहित शर्माने बुधवारी (7 मे) अचानक आंतरराष्ट्रीय कसोटीतून निवृत्तीची घोषणा केली. (Rohit Sharma Retired From Test Cricket) रोहितच्या या निर्णयामुळे त्याच्या चाहत्यांना खूप आश्चर्य वाटले आहे.
आता कसोटीला निरोप दिल्यानंतर रोहित शर्मा पहिल्यांदाच मैदानावर दिसला. आयपीएल 2025 पुन्हा सुरू होण्यापूर्वी, हिटमॅन मुंबई इंडियन्सच्या कॅम्पसोबत नेटमध्ये सराव करताना दिसला. कसोटीतून निवृत्तीची घोषणा केल्यानंतर रोहित शर्मा पहिल्यांदाच मैदानावर फलंदाजीसाठी आला आहे.
मुंबई इंडियन्सने (Mumbai Indians) त्यांच्या अधिकृत X अकाउंटवरून एक व्हिडिओ शेअर केला आहे. या व्हिडिओमध्ये मुंबई इंडियन्सचे खेळाडू हंगाम पुन्हा सुरू होण्यापूर्वी मैदानावर पुन्हा तयारी करताना दिसत आहेत. या खेळाडूंमध्ये रोहित शर्मा देखील दिसत होता. सरावादरम्यान रोहित आक्रमक स्थितीत फलंदाजी करताना दिसला. कसोटीला निरोप दिल्यानंतर रोहित शर्माचा हा पहिलाच सराव सत्र होता. रोहित व्यतिरिक्त तिलक वर्मा, कर्ण शर्मा, अश्विनी कुमार असे अनेक खेळाडू मैदानावर घाम गाळताना दिसले.
Training resumes ????#MIDaily returns ????
— Mumbai Indians (@mipaltan) May 14, 2025
Catch all the action ➡ https://t.co/TCkaALzRQq#MumbaiIndians #PlayLikeMumbai pic.twitter.com/2uF0xOz0Y4
रोहित शर्माच्या चाहत्यांना मुंबई इंडियन्सचा हा व्हिडिओ खूप आवडला आहे. रोहित आयपीएलमध्येही उत्तम फॉर्ममध्ये आहे, त्यामुळे चाहत्यांना आशा आहे की कसोटी सोडल्यानंतर आता हिटमॅन फलंदाजीत आणखी धोकादायक होईल आणि भरपूर धावा करेल.





