रोहित म्हणतो, मी नसतो तर विराटने एवढ्या धावाच केल्या नसत्या

जगातील सर्वोत्तम सलामीवीर फलंदाज रोहित शर्मा आणि डेव्हिड वॉर्नर यांनी इंस्टाग्राममार्फत लाईव्ह चॅट केले. यादरम्यान दोघांनीही लॉकडाऊन आणि क्रिकेटबरोबरच अनेक मुद्द्यांवर चर्चा केली. यावेळी सलामीवीर फलंदाजाचे महत्त्व सांगताना वॉर्नर आणि रोहितने म्हटले की, सलामीवीर फलंदाज खालच्या फळीतील फलंदाजांचे काम सोपे करतात.

दोन्हीही जगातील २ सर्वोत्कृष्ट फलंदाज विराट कोहली (Virat Kohli) आणि स्टिव्ह स्मिथबरोबर (Steve Smith) खेळतात. वॉर्नर पुढे म्हणाला की, “सलामीवीर फलंदाज (Opener Batsman) त्यांचे काम सोपे करतात.”

“लोक म्हणतात की, विराट आणि स्मिथ जगातील सर्वोत्तम फलंदाज आहेत. परंतु आम्ही त्यांचे काम सहज करतो. कारण आम्ही चेंडूवरील चमक नष्ट करून टाकतो. एक सलामीवीर फलंदाज म्हणून आम्हाला महत्त्वपूर्ण काम मिळाले आहे.”

तसेच पुढे रोहित (Rohit Sharma) आणि वॉर्नरने ऍरॉन फिंच (Aaron Finch) आणि शिखर धवनबरोबरच्या (Shikhar Dhawan) सलामीला फलंदाजी करण्याबद्दल चर्चा केली. वॉर्नरने ऑस्ट्रेलियाकडून फिंचबरोबर सलामीला फलंदाजी करतो. तर दुसरीकडे आयपीएलमध्ये त्याने धवनबरोबर सनरायजर्स हैद्राबाद संघाकडून फलंदाजी केली आहे. तसेच रोहित आणि धवन वनडे आणि टी२०मध्ये जगातील सर्वात खतरनाक सलामीवीर फलंदाज आहेत.

यावेळी दोघांनीही सांंगितले की, धवन आणि फिंचला डावाची सुरुवात करताना प्रथम फलंदाजी करायची नसते. रोहित म्हणाला की, “२०१३च्या चॅम्पियन्स ट्रॉफीदरम्यान मी सलामीवीर फलंदाज म्हणून दुसऱ्यांदा फलंदाजी करत होतो. मी धवनला म्हटले होते की, आपण दक्षिण आफ्रिकेविरुद्ध खेळत आहोत. तसेच मी यापूर्वी कधीच मॉर्ने मॉर्केल आणि डेल स्टेनच्या गोलंदाजीचा सामना केला नाही. त्यामुळे प्रथम तू फलंदाजी कर.”

“यावर धवन म्हणाला की, नाही तू जास्त अनुभवी आहेस. माझा (धवन) पहिलाच इंग्लंड दौरा आहे. त्यामुळे तू प्रथम फलंदाजी केली पाहिजे. यानंतर मी फलंदाजीला उतरलो. परंतु त्यावेळी मला मॉर्केलचे पहिले ३ चेंडू दिसलेसुद्धा नव्हते,” असेही रोहित पुढे म्हणाला.

तसेच वॉर्नरनेदेखील (David Warner) फिंचबद्दल सांगताना म्हटले की, “फिंच मला म्हणाला होता की, डावखुऱ्या गोलंदाजांविरुद्ध तू प्रथम फलंदाजी कर. चेंडू आतल्या दिशेने येत असल्यामुळे तो चेंडू त्याला खेळायचा नव्हता. तसेच डावाच्या सुरूवातीस चेंडू माझ्यापासून दूर जाऊ नये, असेही मला वाटत नव्हते.”

रोहित २०१३च्या चॅम्पियन्स ट्रॉफीपूर्वी भारतीय संघातील मधल्या फळीतील फलंदाज म्हणून खेळत होता. त्यानंतर धोनीने त्याला सलामीला फलंदाजी करण्यास सांगितले होते. तो सध्या जगातील सर्वात यशस्वी सलामीवीर फलंदाजांपैकी एक आहे.

ट्रेंडिंग घडामोडी-

-…म्हणून रोहित शर्मा आयपीएलमधील कोहलीपेक्षा वेगळा कर्णधार

-त्या एका सवयीमुळे रोहितने भारताच्या मोठ्या खेळाडूला म्हटले मुर्ख

-७१ शतके करणाऱ्या या दिग्गज क्रिकेटपटूने सुरु केला वाईन बिझिनेस