इंडियन प्रीमियर लीगच्या तेराव्या हंगामातील पाचव्या सामन्यात मुंबई इंडियन्सचा कर्णधार रोहित शर्माने कोलकाता नाईट रायडर्सविरुद्ध शानदार विक्रम केला आहे. रोहितने कोलकाता नाईट रायडर्स संघाविरुद्ध सर्वाधिक धावा करण्याचा विक्रम केला आहे.
एकाच संघाकडून सर्वाधिक सामने खेळण्याचा विक्रम केला नावावर
आयपीएलमध्ये कोणत्याही खेळाडूने एकाच संघाविरुद्ध सर्वाधिक धावा करण्याचा विक्रमही रोहितच्या नावावर जमा झाला आहे. रोहितने कोलकाताविरुद्ध ८३० धावा केल्या आहेत. यापुर्वी हा विक्रम हैदराबादचा कर्णधार डेविड वॉर्नरच्या नावावर होता. वॉर्नरने कोलकाता संघाविरुद्ध ८२९ धावा केल्या होत्या.
पोलार्डनेही केला खास विक्रम
तत्पुर्वी मुंबई इंडियन्सच्या कायरन पोलार्डने आयपीएलमध्ये मुंबई इंडियन्सकडून सर्वाधिक सामने खेळण्याचा विक्रम केला. त्याने मुंबईकडून तब्बल १५० सामने खेळले आहेत. तसेच एकाच संघाकडून सर्वाधिक सामने खेळणाऱ्या क्रिकेटपटूंच्या यादीत तो विराट कोहली (आरसीबी, १७८), सुरेश रैना (सीएसके, १६४) व एमएस धोनी (सीएसके, १६२) यानंतर चौथ्या स्थानावर आला आहे.
मुंबईकडून सर्वाधिक सामने खेळणारे क्रिकेटपटू
पोलार्डपाठोपाठ मुंबईकडून सर्वाधिक सामने खेळणाऱ्या फलंदाजांच्या यादीत रोहित शर्मा (१४५ सामने), हरभजन सिंग (१३६ सामने) व लसिथ मलिंगा (१२२ सामने) यांचा नंबर लागतो.
आयपीएलमध्ये एकाच संघाविरुद्ध सर्वाधिक धावा करणारे फलंदाज
८६५- रोहित शर्मा विरुद्ध कोलकाता
८२९- डेविड वॉर्नर विरुद्ध कोलकाता
८२५- विराट कोहली विरुद्ध दिल्ली
८१९- डेविड वॉर्नर विरुद्ध पंजाब
८१८- सुरेश रैना विरुद्ध कोलकाता
८१८- सुरेश रैना विरुद्ध मुंबई
८१४- सुरेश रैना विरुद्ध पंजाब
