पंजाब विरुद्ध राजस्थान आज येणार आमने सामने; जाणून घ्या या सामन्याबद्दल सविस्तर माहिती

मुंबई । आयपीएलच्या 13 व्या हंगामातील 9 वा सामना शारजाह येथे राजस्थान रॉयल्स आणि किंग्ज इलेव्हन पंजाब यांच्यात आज(27 सप्टेंबर) खेळला जाईल. मागील 5 सामन्यात पंजाबने राजस्थानला 4 वेळा पराभूत केले आहे. 2014 मध्ये त्याचवेळी शारजाहमध्ये दोन्ही संघ आमने-सामने आले होते, ज्यात पंजाबने राजस्थानला 7 विकेट्सने पराभूत केले होते.

लीगमधील पंजाबचा हा तिसरा आणि राजस्थानचा दुसरा सामना आहे. पंजाबने 1 सामना जिंकला तर एका सामन्यात पराभूत झाले आहेत. राजस्थानने पहिल्या सामन्यात चेन्नई सुपर किंग्जचा पराभव केला होता. मागील सामन्याप्रमाणेच या सामन्यातही राजस्थानला संजू सॅमसनकडून तर पंजाबला कर्णधार केएल राहुलकडून मोठ्या अपेक्षा असतील. बेंगलोरविरुद्ध झालेल्या सामन्यात राहुलने 132 धावांची शानदार खेळी केली होती. आयपीएलमधील कोणत्याही भारतीय फलंदाजाने केलेली ही सर्वोच्च धावसंख्या आहे.

दोन्ही संघांचे महागडे खेळाडू

कर्णधार स्टिव्ह स्मिथ (12.50 कोटी) राजस्थानमधील सर्वात महागडा खेळाडू आहे. संजू सॅमसनची किंमत आठ कोटी आहे.  पंजाबचा कर्णधार केएल राहुल 11 कोटी आणि ग्लेन मॅक्सवेल 10.75 कोटी किंमतीचा सर्वात महाग खेळाडू आहे.

खेळपट्टी आणि हवामान अहवाल

शारजाहमधील सामन्यादरम्यान आकाश स्वच्छ राहील. तापमान 27 ते 38 डिग्री सेल्सिअस दरम्यान असेल. खेळपट्टी फलंदाजांना मदत करू शकते. येथे खेळपट्टी धीमी असल्याने फिरकीपटूनाही खूप मदत होईल. नाणेफेक जिंकणार्‍या संघाला प्रथम फलंदाजी करायला आवडेल.

या मैदानावर एकूण टी 20 सामने: 13

प्रथम फलंदाजी करणारा संघ जिंकलाः 9 वेळा

प्रथम गोलंदाजी करणारा संघ जिंकला: 4 वेळा

पहिल्या डावात संघाची सरासरी धावसंख्या: 149

दुसर्‍या डावात संघाची सरासरी धावसंख्या: 131

कर्णधार स्मिथशिवाय संजू सॅमसन आणि डेव्हिड मिलर राजस्थान रॉयल्समधील महत्त्वाचे फलंदाज आहेत. आजच्या सामन्यात अष्टपैलू खेळाडूंमध्ये टॉम करन आणि श्रेयस गोपाल यांचा संघात समावेश असू शकतो. याशिवाय गोलंदाजी विभागात इंग्लंडचा विश्वचषक जिंकणार्‍या जोफ्रा आर्चर व्यतिरिक्त जयदेव उनाडकटसह इतर काही मोठे खेळाडू संघात आहेत.

तसेच पंजाब संघाची कर्णधार राहुलसह अनुभवी ख्रिस गेल आणि ऑस्ट्रेलियन अष्टपैलू ग्लेन मॅक्सवेलवर महत्त्वपूर्ण जबाबदारी असेल. सलामीवीर फलंदाज मयंक अगरवालदेखील चांगल्या फॉर्ममध्ये आहे. गोलंदाजी विभागात मोहम्मद शमी आणि शेल्डन कॉट्रोल या संघासाठी महत्त्वपूर्ण भूमिका बजावतील. रवि बिश्नोई आणि मुरुगन अश्विनसारखे युवा गोलंदाजही पंजाब संघात आहे. त्यामुळे संघ मजबूत वाटत आहे.

आयपीएलमध्ये राजस्थान आणि पंजाब या दोघांमध्ये 19 सामने खेळले गेले आहेत.  राजस्थानने 10 तर पंजाबने 9 सामने जिंकले. मागील हंगामात पंजाबने दोन्ही सामन्यात राजस्थानला पराभूत केले.

आयपीएलचे पहिले विजेतेपद (2008) जिंकणार्‍या राजस्थान रॉयल्सने लीगमध्ये आतापर्यंत 148 सामने खेळले असून त्यात  76 विजय आणि 70 पराभव पत्करले आहेत. 2 सामने अनिर्णीत राहिले.  त्याचबरोबर पहिल्या जेतेपदाच्या प्रतीक्षेत असलेल्या पंजाबने आतापर्यंत 178 पैकी 83 सामने जिंकले आहेत, तर 95 सामने गमावले आहेत.