पुणे । सर्कल ग्रुपच्या वतीने आणि गॅलेक्सी रिअ‍ॅलिटी प्रायोजित सर्कल प्रीमियर लीग क्रिकेट स्पर्धेत सहारा टायटन्स, पद्मावती रॉयल्स या संघांनी आपापल्या प्रतिस्पर्ध्यावर मात करून विजयी सलामी दिली.
मुकुंदनगर येथील कटारिया हायस्कूलच्या मैदानावर ही स्पर्धा सुरू आहे. स्पर्धेच्या उद्घाटनप्रसंगी चंदू साकरिया, मयुर शहा, कमलेश खत्तोड, महेश राठी, दीपक मुंदडा, कमल सोमानी, कल्पेश भुतडा यावेळी उपस्थित होते. या स्पर्धेतील पहिल्या लढतीत सहारा टायटन्स संघाने योगेश इलेक्ट्रोस्टार्स संघावर आठ गडी राखून मात केली.
योगेश इलेक्ट्रोस्टार्स संघाने प्रथम फलंदाजी करताना निर्धारित १० षटकांत ५ बाद ७५ धावा केल्या. सहारा संघाने विजयी लक्ष्य ७.५ षटकांत दोन गडींच्या मोबदल्यात पूर्ण केले.
दुस-या लढतीत पद्मावती रॉयल्स संघाने ओशोरा संघावर सहा गडी राखून मात केली. ओशाराने दिलेले १०५ धावांचे लक्ष्य पद्मावती संघाने ९.३ षटकांत ४ गडींच्या मोबदल्यात पूर्ण केले. यात देवांग काब्राने २१ चेंडूंत नाबाद ५२ धावांची खेळी केली.
संक्षिप्त धावफलक –
१) योगेश इलेक्ट्रोस्टार्स- १० षटकांत ५ बाद ७५ (सौरभ व्होरा नाबाद ४१, मनोज शहा १०, सतीश मुंदडा २-१४, सुरज झन्वर १-३) पराभूत वि. सहारा टायटन्स – ७.५ षटकांत २ बाद ७६ (नितीन शर्मा नाबाद ३०, दीपक मुंदडा २७, किरण शहा १-२, रवी ओसवाल १-२१).
२) ओशोरा- १० षटकांत ६ बाद १०४ (चंदन मुंदडा नाबाद ६३, कपिल तापडिया ३-९, भरत मेहता १-१४) पराभूत वि. पद्मावती रॉयल्स – ९.३ षटकांत ४ बाद १०५ (देवांग काब्रा नाबाद ५२, भरत साबू १६, प्रमोद दुबे २-९, उमेश सोमानी १-११).
३) समृद्धी रायझर्स- १० षटकांत ४ बाद १०० (निलेश झन्वर ७४, दीपक बी. १४, कल्पेश भुतडा २-१७, राहुल राठी १-४) पराभूत वि. पुष्पांजली सुपर स्ट्रायकर्स – ८.३ षटकांत ३ बाद १०३ (सुनील बहेती ३३, निर्मल भत्तड २६, कुमार पोरवाल १-४, निलेश झन्वर १-१९).
४) अगरवाल आयकॉन- १० षटकांत ७ बाद ६१ (मनोज शहा १८, विजय राठोड ३-४, भूषण लोहिया १-१२) पराभूत वि. पी. पी. रॉयल्स – ८.२ षटकांत २ बाद ६५ (भूषण लोहिया २०, विजय राठोड १०, योगेश शहा १-१०, अशोक नहार १-१०).