शुबमन गिल आणि सारा तेंडुलकरच्या नात्यावर लागली मोहर! खास व्यक्तिने महत्वाची माहिती

भारतीय क्रिकेट संघ सध्या जबरदस्त फॉर्ममध्ये आहे. वनडे विश्वचषक 2023 मध्ये मायदेशात खेळताना भारताने सुरुवातीच्या आठ पैकी आठ सामने जिंकले आहेत. गुणतालिकेत पहिल्या क्रमांकावर असणाऱ्या भारतीय संघाला लवकरच स्पर्धेचा उपांत्य सामना खेळायचा आहे. युवा सलामीवीर फलंदाज शुबमन गिल येत्या काही सामन्यांमध्ये संघासाठी मॅच विनर ठरू शकतो. पण त्याआधी शुबमन गिल एका दुसऱ्या करणास्तव पुन्हा एकदा चर्चेत आला आहे.

शुबमन गिल (Shubman Gill) मागच्या एका वर्षात भारतीय संघाचा महत्वपूर्ण खेळाडू बनला आहे. त्याने वनडे विश्वचषक 2023 मध्ये संघासाठी खास भूमिका पार पाडली आहे. कर्णधार रोहित शर्मा याच्यासोबत सलामीला येऊन गिलने संघाला चांगली सुरुवात मिळवून दिली आहेत. विश्वचषकाच्या ग्रुप स्टेजमधील शेवटचा सामना भारताला 12 नोव्हेंबर रोजी नेदरलँड्ससोबत खेळायचा आहे. त्यानंतर उपांत्य आणि अंतिम सामन्यात देखील गिल संघासाठी धावा करून मॅच विनर ठरू शकतो. असे असले तरी, सध्या तो चर्चेत आले बॉलिवुड अभिनेत्री सारा अली खान हिच्या वक्तव्यामुळे.

होय सारा अली खान हिने नुकतीच ‘कॉफी विद करण’ शोच्या आठव्या हंगामासाठी हजेरी लावली. तिच्यासोबत अभिनेत्री अनन्या पांडे देखील करण जोहरसोबत चर्चा करण्यासाठी उपस्थित होती. यावेळी शुबमन गिल आणि सारा यांच्या चर्चांबाबत करणने सारा अली खानला प्रश्न विचारला. यावर सारा म्हणाली, “तुम्ही चुकीच्या सारासोबत बोलत आहात. सगळं जग चुकिच्या सारामागे पडलं आहे. मी कधीच शुबमन गिलला डेट केलं नाहीये. त्याच्याशी माझी खास मैत्री देखील नाहीये. गिल आणि माझी फक्त भेट झाली होती. कॉमन फ्रेंड्स तान्या गवरी आणि ओरी यांच्यामार्फत आम्ही भेटलो होतो.”

करनने पुढे असेही विचारले की, “मग शुबमन गिल, सारा तेंडुलकरला डेट करत आहे?” यावर सारा अली खान म्हणाला, “मला काहीच अडचण नाही, पण तशी शक्यता आहे.” दरम्यान, सारा तेंडुलकर आणि शुबमन गिल यांच्या रिलेशनच्या चर्चा मागच्या मोठ्या काळापासून माध्यमांमध्ये होत आल्या आहेत. सारा अली खानच्या या विधानानंतर या चर्चांनी अधिकच जोर धरला आहे. अलीकडेच सारा तेंडुलकर शुबमन गिल याला लाईव्ह सामन्यात चीअर करताना दिसली होती. तसेच मुंबईत एका पार्टीमध्ये दोघांना एकत्र पाहिल गेले होते. असे असले तरी, दोघांमधील नात्याबाबत कुणाकडूनच अधिकृत पुष्टी केली गेली नाहीये. (Sara Ali Khan’s statement about Shubman Gill and Sara Tendulkar’s relationship is in discussion)

महत्वाच्या बातम्या – 
सेमीफायनलमध्ये दक्षिण आफ्रिका देणार ऑस्ट्रेलियाला मात! दिग्गजाचे महत्वपूर्ण विधान
अनुष्काने विचारलं 150 च्या स्पीडचा बाउन्सर की यॉर्कर, कशाची भीती वाटते? ,पाहा विराटने काय दिलं उत्तर