आशिया कप २०२२ येत्या २७ ऑगस्टपासून सुरू होणार आहे. भारताचा पहिला सामना २८ ऑगस्टला पाकिस्तानविरुद्ध होणार आहे. शेवटच्या वेळी दोन्ही संघ २०२१च्या टी-२० विश्वचषकात आमनेसामने आले होते, जिथे पाकिस्तानने भारताचा १० विकेट्सने पराभव केला होता. भारतासाठी पाकिस्तान सामन्याचा दिवस जसजसा जवळ येऊ लागला, तसतसे दोन्ही देशांचे खेळाडूही जुन्या आठवणींना उजाळा देऊ लागले. या एपिसोडमध्ये हरभजन सिंगने शाहिद आफ्रिदीशी संबंधित एक मजेदार किस्सा सांगितला आहे.
या सामन्याच्या आधी, स्टार स्पोर्ट्स, या स्पर्धेचे अधिकृत प्रसारक, यूट्यूब चॅनलवर एक विशेष मालिका सुरू केली आहे, जिथे दोन्ही बाजूचे खेळाडू त्यांच्या जुन्या आठवणींना उजाळा देतात. पाकिस्तानचा फिरकीपटू सकलेन मुश्ताकशी आपली चांगली मैत्री होती आणि दोघांमध्ये अनेकदा क्रिकेटवर चर्चा झाल्याची आठवण हरभजन सिंगने करून दिली.
शाहिद आफ्रिदी भेटवस्तू आणत असे
हरभजन सिंगने पुढे सांगितले की, “पाकिस्तानचा माजी कर्णधार शाहिद आफ्रिदी त्याच्यासाठी अनेक भेटवस्तू आणत असे. पाकिस्तान संघात हरभजनचे अनेक मित्र होते. शाहिद आफ्रिदी (लाला) त्याच्यासाठी पंजाबी नाटके आणि पेशावरी जुटी आणत असे.”
कुंबळेच्या १० विकेट्स संस्मरणीय
तो पुढे म्हणाला की, “मला १९९९मध्ये पाकिस्तानविरुद्ध खेळलेला कसोटी सामना आठवतो, जिथे अनिल भाईंनी १० विकेट घेतल्या होत्या. त्या सामन्यातही मी खेळत होतो. तेव्हाच मला विकेट न मिळाल्याने हायसे वाटले. १० विकेट घेणे ही मोठी गोष्ट आहे. त्याने ६-७ विकेट्स घेतल्यानंतर मला असे वाटले, की मला विकेट मिळायला नको आता सर्व विकेट्स त्याला (अनिल कुंबळे) मिळाल्या पाहिजेत.”
दरम्यान, सध्या अनेक क्रिकेटपटू आणि क्रिकेटचाहते त्यांच्या भारत आणि पाकिस्तान संघादरम्यान आजवर झालेल्या विस्मरनीय सामन्यांच्या आठवणींना उजाळा देण्यात व्यस्त आहेत. एकीकडे दोन्ही संघांमध्ये आजवर कट्टर प्रतिस्पर्धी म्हणून पाहिले जाते. अशांत आता हरभजनसिंगने सांगितलेल्या किस्स्यातून भारत-पाकिस्तान खेळाडूंमधील मैत्री उघड झाली आहे.
महास्पोर्ट्सच्या व्हॉट्सअप ग्रुप जॉईन करण्यासाठी या लिंकवर क्लिक करा
महत्वाच्या बातम्या-
‘अक्षरने घेतली चहलची जागा; दीपक चाहरची केली बोलती बंद!’ सामना जिंकल्यानंतरची मजा मस्ती एकदा बघाच
‘बाप बाप होता है!’ म्हणत सेहवागनं शेअर केलाय भारत-पाकिस्तान सामन्याचा किस्सा, पाहा व्हिडिओ
भारताच्या वर्ल्डकप विजयाचा नायक करतोय पुनरागमन! स्वत:च चाहत्यांना दिली खूशखबर
