IPL 2025 Winner Prediction: यंदाच्या आयपीएल प्लेऑफमध्ये रॉयल चॅलेंजर्स बंगळूरु (RCB), पंजाब किंग्ज (PBKS), गुजरात टायटन्स (GT) आणि मुंबई इंडियन्स (MI) या चार संघांनी स्थान मिळवले आहे. यापैकी दोन संघ असे आहेत, ज्यांनी अद्याप इंडियन प्रीमियर लीगचे विजेतेपद जिंकलेले नाही. पहिल्या क्वालिफायरमध्ये (PBKS vs RCB Qualifier 1) बंगळूरु आणि पंजाब यांच्यात लढत होईल, तर एलिमिनेटरमध्ये गुजरात टायटन्स आणि मुंबई इंडियन्स आमनेसामने येतील. दरम्यान आता ऑस्ट्रेलियन दिग्गज शेन वॉटसनने आयपीएल 2025च्या विजेत्या संघाबद्दल मोठी भविष्यवाणी केली आहे. (IPL 2025 Playoffs Teams)
शेन वॉटसनने सोशल मीडियावर एक व्हिडिओ शेअर केला आहे, ज्यात त्याने या वेळी आरसीबी ट्रॉफी जिंकणार असल्याचे सांगितले आहे. तो म्हणाला, “आयपीएल 2025 चा विजेता कोण असेल? मी याबद्दल बराच वेळ विचार करत आहे, माझ्या मते आरसीबी चॅम्पियन बनेल. माझ्यासाठी ‘मॅन ऑफ द मॅच’ विराट कोहली असेल.” (Virat Kohli Player of the Match Final)
शेन वॉटसन म्हणाला की, या वेळी त्याला आरसीबी चॅम्पियन बनण्याचा पूर्वाभास होत आहे. बंगळूरुसाठी हंगामाच्या दुसऱ्या टप्प्यात काही सामने कठीण होते, परंतु वॉटसनच्या मते प्लेऑफमध्ये जोश हेजलवुडच्या पुनरागमनामुळे या वर्षी आरसीबीच्या चॅम्पियन बनण्याची शक्यता वाढली आहे. (Josh Hazlewood RCB Playoffs)
शेन वॉटसनने भविष्यवाणी केली की, फायनल सामन्यात विराट कोहली ‘प्लेअर ऑफ द मॅच’ बनेल. आयपीएल 2025 मध्ये विराट कोहलीने आतापर्यंत खेळलेल्या 13 सामन्यांमध्ये 60.20च्या अविश्वसनीय सरासरीने 602 धावा केल्या आहेत. विराटने या हंगामात सर्वाधिक अर्धशतके (8) देखील झळकावली आहेत. विशेष म्हणजे, विराट कोहलीने आयपीएलमध्ये 600 हून अधिक धावा करण्याची ही सलग तिसरी वेळ आहे.
रॉयल चॅलेंजर्स बंगळूरुने शेवटचा आयपीएल फायनल सामना 2016 मध्ये खेळला होता. त्यानंतर आरसीबी अनेक वेळा प्लेऑफमध्ये पोहोचली आहे, पण त्यांना फायनल सामना खेळण्याची संधी मिळाली नाही. आता तब्बल 9 वर्षांनंतर रजत पाटीदारच्या नेतृत्वाखाली आरसीबी केवळ चौथ्यांदा आयपीएलचा फायनल सामना खेळू शकत नाही, तर पहिल्यांदा ट्रॉफीही आपल्या नावावर करू शकते. (Royal Challengers Bangalore Final)
